Jambyl oblysynyń Moiynqum aýdandyq soty áieline dene jaraqatyn keltirgen er adamnan ony emdeýge jumsalǵan 330 myń teńgeni memleket paidasyna óndirip alý týraly sheshim shyǵardy, dep habarlaidy ult.kz.
Sot materialdaryna sáikes, er adamnyń zańsyz áreketinen zardap shekken jubaiy aýdandyq aýrýhanada em alǵan. Meditsinalyq kómekke biýdjetten 330 myń teńge jumsalǵan.
Buǵan deiin er adamǵa qatysty densaýlyqqa qasaqana ortasha aýyrlyqtaǵy ziian keltirý deregi boiynsha qozǵalǵan qylmystyq is taraptardyń tatýlasýyna bailanysty toqtatylǵan. Alaida memleket emdeý shyǵyndaryn ótemegendikten, prokýror sotqa talap aryz bergen.
Sot talapty tolyq qanaǵattandyryp, jaýapkerden memleketke 330 myń teńge materialdyq zalal men memlekettik bajdy óndirip alý týraly sheshim qabyldady.
