ساياساتتانۋشى اندرەي چەبوتارەۆ مەملەكەت باسشىسى قاسىم-جومارت توقاەۆتىڭ 23 قازاندا اقوردادا جارييالاعان قازاقستاننىڭ دامۋ كٶرسەتكٸشتەرٸنە تالداۋ جاسادى. ول ٶز ساراپتاماسىن FINANCE.kz Telegram-ارناسىندا جارييالاپ, ەكونوميكالىق نەتيجەلەردٸ اسىرا باعالاماي, ناقتى دەرەكتەر نەگٸزٸندە تٷسٸندٸرۋگە تىرىسقان, دەپ حابارلايدى ult.kz.
2019 جىلدان بەرٸ قازاقستان ەكونوميكاسى شامامەن 30%-عا ٶستٸ. ساراپشى بۇل كٶرسەتكٸشتٸ جىلدارعا بٶلٸپ ەسەپتەپ, باسقا مەملەكەتتەردٸڭ ەكونوميكالىق دامۋ قارقىنىمەن سالىستىرعان.
جىلدىق ٶسٸم قانداي?
سوڭعى جىلدارداعى ەسەپ بويىنشا, قازاقستان ەكونوميكاسى جىلىنا ورتا ەسەپپەن 4,5%-عا ٶسكەن. ساياساتتانۋشىنىڭ پٸكٸرٸنشە, دامۋشى مەملەكەت ٷشٸن بۇل – ايتارلىقتاي جاقسى نەتيجە. دەگەنمەن كٶرشٸ ەلدەرمەن سالىستىرعان كەزدە ەر مەملەكەتتٸڭ باستاپقى ەكونوميكالىق جاعدايى ەرتٷرلٸ بولعانىن ەسكەرۋ قاجەت.
قازاقستاندا جان باسىنا شاققانداعى جالپى ٸشكٸ ٶنٸم العاش رەت 15 مىڭ دوللاردان استى. چەبوتارەۆ بۇل كٶرسەتكٸشتٸڭ نومينالدى مەندە ەسەپتەلگەنٸن اتاپ ٶتەدٸ.
حالىقتىڭ ناقتى ساتىپ الۋ قابٸلەتٸن باعالاۋ ٷشٸن ساتىپ الۋ قابٸلەتٸنٸڭ پاريتەتٸ كٶرسەتكٸشٸ قولدانىلادى. ساراپشىنىڭ جازۋىنشا, «ساتىپ الۋ قابٸلەتٸنٸڭ ناقتى دەڭگەيٸن كٶرسەتەتٸن پاريتەت بويىنشا بۇل كٶرسەتكٸش شامامەن 35-40 مىڭ دوللاردى قۇرايدى».
قازاقستاندا حالىقتىڭ ورتاشا ٶمٸر سٷرۋ ۇزاقتىعى 76 جاسقا جۋىقتادى. ساياساتتانۋشى دٷنيەجٷزٸلٸك بانكتٸڭ دەرەكتەرٸنە سٷيەنە وتىرىپ, بۇل كٶرسەتكٸش ٶڭٸردەگٸ ەڭ جوعارى دەڭگەي ەكەنٸن اتاپ ٶتكەن.
قۇراستىرۋدان تولىق ٶندٸرٸس تسيكلٸنە دەيٸن
قازاقستاندا رەلستەر, شپالدار, ۆاگوندار مەن ەلەكتروۆوزدار شىعارىلادى. اۆتوموبيل زاۋىتتارى جىل سايىن 150 مىڭنان استام جەڭٸل جەنە جٷك كٶلٸگٸن ٶندٸرەدٸ.
چەبوتارەۆ وتاندىق ٶنەركەسٸپتٸڭ وسى دەڭگەيگە جەتۋ جولىنا نازار اۋدارعان. «بٸز ٶندٸرٸستٸ وقشاۋلاۋدىڭ باستاپقى دەڭگەيٸنەن تولىق ٶندٸرٸس تسيكلٸ مەن بٶلشەكتەپ قۇراستىرۋعا دەيٸنگٸ ۇزاق جولدان ٶتتٸك», – دەپ اتاپ ٶتتٸ ساياساتتانۋشى.
ونىڭ باعالاۋىنشا, قازاقستان ەكونوميكاسى ٶڭدەۋ ٶنەركەسٸبٸ مەن ٶندٸرٸس ەسەبٸنەن كٶبٸرەك تابىس تابۋعا بٸرتٸندەپ بەت بۇرىپ كەلەدٸ.
