قازاقستان رەسپۋبليكاسىنىڭ كٷنٸ قارساڭىندا Qarmet كومپانيياسىنىڭ «تەنتەك» شاحتاسى ماڭىزدى ٶندٸرٸستٸك مەجەگە جەتٸپ, سوڭعى ون جىلدا العاش رەت ميلليون توننا كٶمٸر ٶندٸردٸ. كەسٸپورىن ۇزاق جىلدارعا سوزىلعان توقىراۋدان كەيٸن ٶندٸرٸستٸك ەلەۋەتٸن قالپىنا كەلتٸرٸپ, جابدىقتارىن جاڭعىرتۋدا جەنە كٶمٸر ٶندٸرۋ كٶلەمٸن ودان ەرٸ ارتتىرۋعا جاعداي جاساپ كەلەدٸ. 2026 جىلدىڭ سوڭىنا دەيٸن شاحتادا كٶمٸر ٶندٸرۋ كٶلەمٸن 1,2 ملن تونناعا جەتكٸزۋ جوسپارلانىپ وتىر, دەپ حابارلايدى Ult.kz.
«شاحتا سوڭعى رەت ميلليون توننا كٶمٸردٸ ون جىل بۇرىن ٶندٸرگەن ەدٸ. بٷگٸندە بٸز بۇرىنعى كٶرسەتكٸشتەردٸ قالپىنا كەلتٸرٸپ قانا قويماي, كەسٸپورىندى ودان ەرٸ دامىتۋعا نەگٸز قالاپ جاتىرمىز. بيىل اۋا بەرەتٸن ەكٸ جاڭا نەگٸزگٸ وقپاندى پايدالانۋعا بەرٸپ, كٶمٸردٸ قۇرعاق بايىتۋعا ارنالعان جەرٷستٸ كەشەنٸنٸڭ قۇرىلىسىن باستايمىز», – دەدٸ «تەنتەك» شاحتاسىنىڭ ديرەكتورى ۆلاديمير شنەل.
جاڭا وقپانداردى پايدالانۋعا بەرۋ شاحتا ينفراقۇرىلىمىن دامىتۋداعى ماڭىزدى كەزەڭ بولماق. ولار جەراستى قازبالارىنا تازا اۋانىڭ قوسىمشا كٶلەمٸن جەتكٸزٸپ, تاۋ-كەن جۇمىستارىنىڭ اۋقىمىن كەڭەيتۋگە جەنە جاڭا كٶمٸر ٶندٸرۋ ۋچاسكەلەرٸن يگەرۋگە قاجەتتٸ جاعداي جاساۋعا مٷمكٸندٸك بەرەدٸ.
سونىمەن قاتار Qarmet كەسٸپورىندى تەحنيكالىق جاڭعىرتۋ جۇمىستارىن جالعاستىرۋدا. بيىل شاحتاعا ٷش جاڭا ٷڭگۋ كومباين مەن كونۆەيەر جەتكٸزٸلدٸ. بۇل تاۋ-كەن قازبالارىن جٷرگٸزۋ قارقىنىن ارتتىرىپ, كٶمٸر ٶندٸرۋ ۋچاسكەلەرٸنٸڭ تۇراقتى جۇمىسىن قامتاماسىز ەتۋگە مٷمكٸندٸك بەرەدٸ.
جاڭعىرتۋدىڭ تاعى بٸر باعىتى – باعىتتالعان بۇرعىلاۋ تەحنولوگيياسىن ەنگٸزۋ. قازٸرگٸ ۋاقىتتا شاحتا ماماندارى بۇل تەحنولوگييانى قىتايلىق ەرٸپتەستەرٸمەن بٸرلەسٸپ مەڭگەرٸپ جاتىر. ول ۇڭعىمالاردى الدىن الا بەلگٸلەنگەن تراەكتورييا بويىنشا بۇرعىلاۋعا جەنە تاۋ-كەن-گەولوگييالىق جاعدايلارعا قاراي بۇرعىلاۋ باعىتىن ٶزگەرتۋگە مٷمكٸندٸك بەرەدٸ. جاڭا تەحنولوگييانى قولدانۋ ارقىلى جاڭا لاۆالاردى دايىنداۋ مەرزٸمٸن قىسقارتىپ, بۇرعىلاۋ جۇمىستارىنىڭ دەلدٸگٸن ارتتىرۋعا جەنە ٶندٸرٸستٸك شىعىنداردى ازايتۋعا بولادى.
Qarmet ٷشٸن د-6 كٶمٸر قاباتىنىڭ قورىن يگەرۋدٸڭ ماڭىزى زور. بۇل قاباتتان ٶندٸرٸلەتٸن كوكستەلەتٸن كٶمٸر كومپانييانىڭ مەتاللۋرگييالىق ٶندٸرٸسٸنە قاجەتتٸ ماڭىزدى شيكٸزات سانالادى. اتالعان باعىتتى دامىتۋ كومبيناتتىڭ جەكە شيكٸزات بازاسىن نىعايتىپ, ٶندٸرٸستٸك تٸزبەكتٸڭ تۇراقتىلىعىن ارتتىرۋعا مٷمكٸندٸك بەرەدٸ. الداعى جىلدارى شاحتادا جاڭا لاۆالاردى كەزەڭ-كەزەڭٸمەن ٸسكە قوسۋ جوسپارلانىپ وتىر.
قول جەتكٸزٸلگەن نەتيجەلەردٸڭ ارتىندا شاحتا جۇمىسشىلارىنىڭ قاجىرلى ەڭبەگٸ تۇر. كٶمٸر ٶندٸرۋ كٶلەمٸن قالپىنا كەلتٸرۋدە نەگٸزٸنەن باسقا كەسٸپورىنداردان ٸسساپارمەن كەلگەن قىزمەتكەرلەردەن جاساقتالعان بريگادانىڭ ٷلەسٸ زور. كەسٸبي تەجٸريبە, ۇيىمشىلدىق پەن جاۋاپكەرشٸلٸكتٸڭ ارقاسىندا ۇجىم الدىنا قويىلعان مٸندەتتەردٸ ورىنداي الدى.
«بٸزدٸڭ بريگادا مىقتى, ەڭبەكقور جٸگٸتتەردەن قۇرالعان. جٸگٸتتەرمەن بٸر جىلدان بەرٸ ەمەس, كٶپتەن بەرٸ بٸرگە جۇمىس ٸستەپ كەلەمٸن. كٶبٸن باسقا شاحتالاردا ەڭبەك ەتكەن كەزدەن بٸلەمٸن. بٸر-بٸرٸمٸزدٸ جاقسى تٷسٸنەمٸز, ەركٸم ٶز مٸندەتٸن بٸلەدٸ. نەتيجەگە قول جەتكٸزۋٸمٸزدٸڭ سىرى دا وسىندا», – دەدٸ بريگادا جەتەكشٸسٸ الەكساندر يزمەر.
ميلليون توننا مەجەسٸنە جەتۋ جەنە رەسپۋبليكا كٷنٸن مەرەكەلەۋ قۇرمەتٸنە شاحتا اۋماعىندا اعاش وتىرعىزۋ شاراسى ٶتتٸ. بۇل باستاما كەسٸپورىن تاريحىنداعى جاڭا كەزەڭنٸڭ, ٶندٸرٸستٸ قالپىنا كەلتٸرۋ مەن ودان ەرٸ دامىتۋدىڭ سيمۆولىنا اينالدى.
ميلليون توننا كٶمٸر ٶندٸرۋ – «تەنتەك» شاحتاسىنىڭ قايتا ٶرلەۋ جولىنداعى ماڭىزدى بەلەس ەرٸ Qarmet كومپانيياسىنىڭ كٶمٸر كەسٸپورىندارىن قالپىنا كەلتٸرۋ باعىتىنداعى جٷيەلٸ جۇمىسىنىڭ نەتيجەسٸ. جابدىقتاردى جاڭارتۋ, ينفراقۇرىلىمدى دامىتۋ جەنە زاماناۋي تەحنولوگييالاردى ەنگٸزۋ شاحتاعا بۇرىنعى ەلەۋەتٸن قايتا جاڭعىرتىپ, جاڭا ٶندٸرٸستٸك مەجەلەرگە نىق قادام باسۋعا مٷمكٸندٸك بەرٸپ وتىر.
