جامبىل وبلىسىندا دەرٸلٸك پرەپاراتتاردى تيٸستٸ رەتسەپتسٸز ساتۋ دەرەكتەرٸ بويىنشا 16 ەكٸمشٸلٸك ٸس قوزعالىپ, دەرٸحانالارعا جالپى سوماسى 2 ملن 681 مىڭ 500 تەڭگە ايىپپۇل سالىندى, دەپ حابارلايدى ult.kz.
مەديتسينالىق جەنە فارماتسەۆتيكالىق باقىلاۋ دەپارتامەنتٸنٸڭ مەلٸمەتٸنشە, 2026 جىلدىڭ العاشقى جارتىجىلدىعىندا رەتسەپتسٸز دەرٸ ساتۋ فاكتٸلەرٸ بويىنشا ۆەدومستۆوعا 16 ماتەريال تٷسكەن. ولاردىڭ بارلىعى ەكٸمشٸلٸك ٸس قوزعاۋعا نەگٸز بولعان.
ايىپپۇلداردىڭ جالپى سوماسى 2 ميلليون 681 مىڭ 500 تەڭگەنٸ قۇرادى.
مۇنداي زاڭبۇزۋشىلىقتاردى انىقتاۋ جەنە ولاردىڭ جولىن كەسۋ جۇمىستارىنا بٸرنەشە ورگان قاتىسادى. قۇقىق قورعاۋ ورگاندارى تيٸستٸ ماتەريالداردى جولداعاننان كەيٸن بەيٸندٸ دەپارتامەنت ولاردى قاراپ, ٶز قۇزىرەتٸ شەگٸندە شارا قابىلدايدى. باقىلاۋ مەديتسينالىق ۇيىمداردىڭ قىزمەتٸ مەن دەرٸلٸك زاتتاردىڭ اينالىمىن دا قامتيدى.
بۇعان دەيٸن مەديتسينالىق جەنە فارماتسەۆتيكالىق باقىلاۋ كوميتەتٸ دەرٸ باعاسىن نەگٸزسٸز كٶتەرۋ مەن پرەپاراتتاردى رەتسەپتسٸز ساتۋدى ەلٸمٸزدەگٸ دەرٸحانالاردا جيٸ كەزدەسەتٸن زاڭبۇزۋشىلىقتاردىڭ قاتارىنا جاتقىزعان بولاتىن.
