Jambyl oblysynda dárilik preparattardy tiisti retseptsiz satý derekteri boiynsha 16 ákimshilik is qozǵalyp, dárihanalarǵa jalpy somasy 2 mln 681 myń 500 teńge aiyppul salyndy, dep habarlaidy ult.kz.
Meditsinalyq jáne farmatsevtikalyq baqylaý departamentiniń málimetinshe, 2026 jyldyń alǵashqy jartyjyldyǵynda retseptsiz dári satý faktileri boiynsha vedomstvoǵa 16 material túsken. Olardyń barlyǵy ákimshilik is qozǵaýǵa negiz bolǵan.
Aiyppuldardyń jalpy somasy 2 million 681 myń 500 teńgeni qurady.
Mundai zańbuzýshylyqtardy anyqtaý jáne olardyń jolyn kesý jumystaryna birneshe organ qatysady. Quqyq qorǵaý organdary tiisti materialdardy joldaǵannan keiin beiindi departament olardy qarap, óz quzyreti sheginde shara qabyldaidy. Baqylaý meditsinalyq uiymdardyń qyzmeti men dárilik zattardyń ainalymyn da qamtidy.
Buǵan deiin Meditsinalyq jáne farmatsevtikalyq baqylaý komiteti dári baǵasyn negizsiz kóterý men preparattardy retseptsiz satýdy elimizdegi dárihanalarda jii kezdesetin zańbuzýshylyqtardyń qataryna jatqyzǵan bolatyn.
