Atyraýdaǵy tergeý izoliatorynda bes sottalǵan mekemedegi ustaý rejimine narazylyq bildirip, ózderine jeńil jaraqat salǵan. Oqiǵadan keiin mekeme ákimshiligi jedel járdem shaqyrǵan, dep habarlaidy ult.kz.
Qylmystyq-atqarý júiesi komitetiniń málimetinshe, oqiǵaǵa aýyr jáne asa aýyr qylmystar úshin sottalǵan bes adam qatysqan. Olar beinebaqylaý kameralaryn jaýyp, belgilengen ustaý rejimine baǵynbaǵan.
Vedomstvonyń habarlaýynsha, sottalǵandardyń ózderine jeńil dene jaraqatyn salǵany tirkelgen. Olarǵa qajetti meditsinalyq kómek kórsetilgen. Komitet bastapqyda aýrýhanaǵa jatqyzý qajet bolmaǵanyn jáne sottalǵandardyń jaǵdaiy turaqty ekenin málimdedi.
Atalǵan oqiǵaǵa bailanysty top bolyp baǵynbaýdy uiymdastyrý faktisi boiynsha qylmystyq is qozǵaldy.
Qazirgi ýaqytta tergeý izoliatoryndaǵy jaǵdai turaqty. Oqiǵanyń ózge mán-jailary anyqtalyp jatyr.
