Qaraǵandy oblysynyń Shet aýdanynda SHACMAN júk kóligi jolaýshylar poiyzymen soqtyǵysty. Oqiǵa ornynan túsirilgen video áleýmettik jelilerde tarady, dep habarlaidy ult.kz.
Oblystyq politsiia departamentiniń málimetinshe, jol-kólik oqiǵasy 24 qazanda rettelmeitin temirjol ótkelinde bolǵan.
Aldyn ala málimet boiynsha, 53 jastaǵy júk kóliginiń júrgizýshisi temirjoldan óter aldynda qozǵalys qaýipsizdigine kóz jetkizbei, poiyzben soqtyǵysqan.
Abyroi bolǵanda, oqiǵadan eshkim zardap shekken joq.
Qazirgi ýaqytta politsiia oqiǵanyń mán-jaiyn anyqtap jatyr.
