24 qazanda Qazaqstannyń birqatar óńirinde qar jaýyp, kóktaiǵaq bolady. Ońtústikte jel kúsheiip, kei jerlerde shańdy daýyl turady, dep habarlaidy ult.kz.
Astanada jaýyn-shashyn kútilmeidi. Aýa temperatýrasy túnde −5…−7, kúndiz +2…+4 gradýs bolady. Ońtústik-batystan sekýndyna 5–10 metr jyldamdyqpen jel soǵady. Almatyda kún ala bultty, jaýyn-shashynsyz ótedi. Túnde −2…−4 gradýsqa deiin sýytyp, kúndiz +4…+6 gradýs bolady. Shymkentte túnde +2…+4, kúndiz +13…+15 gradýs jyly. Jeldiń ekpini sekýndyna 15–20 metrge jetedi.
Shyǵys Qazaqstan oblysynyń soltústiginde, shyǵysynda jáne taýly aýdandarynda qar jaýyp, jaiaý burqasyn soǵady, kóktaiǵaq bolady. Pavlodar oblysynyń kei jerlerinde túnde azdaǵan qar kútiledi. Soltústik Qazaqstan men Ulytaý oblystarynda túnde jáne tańerteń tuman túsedi.
Jambyl, Jetisý jáne Túrkistan oblystarynyń jekelegen aýdandarynda jeldiń ekpini sekýndyna 23–28 metrge deiin kúsheiedi. Túrkistan oblysynyń soltústiginde kúndiz shańdy daýyl boljanady. Batys Qazaqstan men Atyraý oblystarynda jaýyn-shashyn bolmaidy, kúndiz aýa +11…+16 gradýsqa deiin jylynady.
