Astanaǵa esirtkiniń iri partiiasyn jetkizip, taratpaq bolǵan 44 jastaǵy er adam ustaldy. Odan 3 keliden astam mefedron tárkilendi, dep habarlaidy ult.kz.
Politsiia málimetinshe, elordaǵa kireberistegi beketterdiń birinde Toyota kóligi toqtatylǵan. Avtokólikti tintý kezinde salonnan untaq tárizdi zat salynǵan alty briket tabyldy.
Kúdikti buǵan deiin qala aýmaǵynda qaldyrǵan esirtki jasyryndylarynyń oryndaryn da kórsetken. Barlyq zat tárkilenip, saraptama olardyń mefedron ekenin rastady.
Tergeý málimetinshe, er adam esirtkini ári qarai taratý úshin tasymaldaǵan. Qylmystyq is qozǵalyp, kúdikti qamaýǵa alyndy. Qazir iske qatysy bolýy múmkin ózge de adamdar anyqtalyp jatyr.
