Balqash qalasyna jaqyn Saiaq aýylynyń mańynda temir men marganets kenin zańsyz óndirgen úsh karer anyqtaldy. Kendi «Vertex Co.» jáne «MiningMetall» JShS direktory uiymdastyrǵan, dep habarlaidy ult.kz.
Qarjylyq monitoring agenttiginiń málimetinshe, ken óndirýge jumysshylar men arnaiy tehnika tartylǵan. Qazylǵan ken satý úshin temirjol stantsiiasyna jetkizilip otyrǵan. Zańsyz qazylǵan topyraq kólemi 338 myń tekshe metrge jetken.
Búlingen jerdi qalpyna keltirýge 485 mln teńge qajet.
Sottyń ruqsatymen eki arnaiy tehnikaǵa, avtokólikke jáne kommertsiialyq úi-jaiǵa tyiym salyndy. Kúdiktige kepil túrindegi bultartpaý sharasy qoldanylyp, tergeý jalǵasyp jatyr.
