Shymkentte kásipkerden 10 mln teńge talap etip, ózin jáne júk kóligin órtep jiberemiz dep qorqytty degen kúdikpen eki adam ustaldy, dep habarlaidy ult.kz.
Almaty.tv málimetinshe, oqiǵa qalalyq bazarlardyń birinde bolǵan. Et tasymaldaý kezinde taýar búlinip, taraptar arasynda daý týǵan. Alaida máseleni zańdy jolmen sheshýdiń ornyna, kúdiktiler kásipkerden qomaqty aqsha talap etip, qoqan-loqy kórsetken.
Politsiia málimetinshe, kúdiktiler talap etilgen somanyń 5 mln teńgesin alyp jatqan jerinen ustalǵan. Olar ýaqytsha ustaý izoliatoryna qamaldy.
Atalǵan derek boiynsha «Óz betinshe bilik etý» babymen qylmystyq is qozǵaldy. Qazir tergeý amaldary júrgizilip, oqiǵanyń mán-jaiy anyqtalyp jatyr.
