Biyl on bir aida baǵa azyq-túlik taýarlaryna – 9,6%, azyq-túlik emes taýarlaryna – 5,1%, aqyly qyzmetterge 3,8% joǵarylady. Bul týraly QR Strategiialyq josparlaý jáne reformalar agenttiginiń Ulttyq statistika biýrosy habarlady.
Qarashada (2020 jylǵy qazanǵa) baǵanyń ósýi kúnbaǵys maiyna – 10,7%, jańa jinalǵan kókónisterge – 8,5%, qumshekerge – 6,8%, jumyrtqaǵa – 4,6%, kartopqa – 3,8%, jarmalarǵa – 2,1%, airanǵa – 1,1%, unǵa – 1%, sútke, sary maiǵa – 0,8%-dan, makaron ónimderine 0,7% belgilendi. Temeki ónimderi 0,6% qymbattady. Baǵanyń tómendeýi taýyqtyń siraǵyna – 1,8%, almalarǵa – 1%, sókke 0,5% tirkeldi.
Baǵa ósimi jeke kólik quraldaryna arnalǵan qosalqy bólshekterge – 1,5%, ydys-aiaqqa – 1,4%, altynnan jasalǵan zergerlik buiymdarǵa – 1,2%, jýǵysh jáne tazalaǵysh quraldarǵa – 1%, turmystyq aspaptarǵa – 0,9%, kiim jáne aiaq kiimge, jihaz jáne úige qajetti zattarǵa – 0,7%-dan, planshetterge – 0,6%, dári-dármekke, jeke qoldanylatyn taýarlarǵa, avtomobilderge 0,5%-dan qurady. Qysqy dizel otyny 2,8% arzandady.
Baǵa deńgeii kinoteatrlar qyzmetterine – 6,2%, sporttyq keshender qyzmetterine – 1,3%, stomatologiialyq qyzmetterine – 1%, monshaǵa barý, qoǵamdyq tamaqtandyrý qyzmetterine – 0,9%-dan, shashtarazdar men sulýlyq salondar qyzmetterine 0,7% ósti. Áýe kóligimen jol júrý aqysy 0,9% arzandady.
Turǵyn úi-kommýnaldyq qyzmetter salasynda tarifter ystyq sýǵa – 6,2%, ortalyqtyn jylytýǵa – 4,5%, qoqys shyǵarý – 1,6%, sýyq sýǵa – 0,9%, elektr energiiasyna – 0,5%, kárizge – 0,2% ósti.
