Belgiia koroli Filipp Qazaqstan Prezidenti Qasym-Jomart Toqaevqa jaýap hat joldady, dep habarlaidy ult.kz Aqordaǵa silteme jasap.
Belgiia monarhy óz jedelhatynda Qazaqstan Prezidentine jyl saiyn 21 shildede atap ótiletin Belgiianyń Ulttyq kúnine orai joldaǵan jyly quttyqtaýy úshin alǵys bildirdi.
Sondai-aq korol Filipp Qasym-Jomart Toqaevtyń shaqyrýymen biyl Qazaqstanǵa jasaityn memlekettik saparyn asyǵa kútetinin atap ótti.
Eske salaiyq, 23 maýsymda Qazaqstan Prezidenti Belgiia premer-ministri Bart de Vevermen kezdesý ótkizgen edi. Kezdesý barysynda Qasym-Jomart Toqaev Belgiiany Qazaqstannyń Eýropalyq odaqtaǵy negizgi seriktesteriniń biri dep atady.
Óz kezeginde Bart de Vever eki el arasyndaǵy saiasi bailanystardyń joǵary deńgeide ekenin atap ótti.
