بەلگييا كورولٸ فيليپپ قازاقستان پرەزيدەنتٸ قاسىم-جومارت توقاەۆقا جاۋاپ حات جولدادى, دەپ حابارلايدى ult.kz اقورداعا سٸلتەمە جاساپ.
بەلگييا مونارحى ٶز جەدەلحاتىندا قازاقستان پرەزيدەنتٸنە جىل سايىن 21 شٸلدەدە اتاپ ٶتٸلەتٸن بەلگييانىڭ ۇلتتىق كٷنٸنە وراي جولداعان جىلى قۇتتىقتاۋى ٷشٸن العىس بٸلدٸردٸ.
سونداي-اق كورول فيليپپ قاسىم-جومارت توقاەۆتىڭ شاقىرۋىمەن بيىل قازاقستانعا جاسايتىن مەملەكەتتٸك ساپارىن اسىعا كٷتەتٸنٸن اتاپ ٶتتٸ.
ەسكە سالايىق, 23 ماۋسىمدا قازاقستان پرەزيدەنتٸ بەلگييا پرەمەر-مينيسترٸ بارت دە ۆەۆەرمەن كەزدەسۋ ٶتكٸزگەن ەدٸ. كەزدەسۋ بارىسىندا قاسىم-جومارت توقاەۆ بەلگييانى قازاقستاننىڭ ەۋروپالىق وداقتاعى نەگٸزگٸ سەرٸكتەستەرٸنٸڭ بٸرٸ دەپ اتادى.
ٶز كەزەگٸندە بارت دە ۆەۆەر ەكٸ ەل اراسىنداعى ساياسي بايلانىستاردىڭ جوعارى دەڭگەيدە ەكەنٸن اتاپ ٶتتٸ.
