مەملەكەت باسشىسى قاسىم-جومارت توقاەۆ ٷكٸمەت پەن باقىلاۋشى ورگاندارعا سىبايلاس جەمقورلىققا قاتىستى قۇقىقبۇزۋشىلىقتاردى بارىنشا ازايتۋ جەنە كۆازيمەملەكەتتٸك سەكتورداعى كومپانييالاردىڭ جۇمىس ساپاسىن جاقسارتۋ جٶنٸندە ۇسىنىس ەنگٸزۋدٸ تاپسىردى. تاپسىرمانى ورىنداۋ مەرزٸمٸ – بيىلعى 24 قاراشا, دەپ حابارلايدى ult.kz.
پرەزيدەنت جوعارى لاۋازىم يەلەرٸنٸڭ جاۋاپكەرشٸلٸگٸنە توقتالىپ, ەشكٸمنٸڭ زاڭنان جوعارى تۇرمايتىنىن اتاپ ٶتتٸ.
«قوعامىمىزدا اتقاراتىن لاۋازىمىنا, سٸڭٸرگەن ەڭبەگٸنە نە بولماسا تامىر-تانىستارىنا, سونىڭ ٸشٸندە تۋىستىق بايلانىستارىنا قاراماستان, ەشكٸم دە زاڭنان اتتاپ كەتە المايدى. بۇل – مەن ٷشٸن مىزعىمايتىن ۇستانىم», – دەدٸ توقاەۆ.
مەملەكەت باسشىسى سوڭعى ۋاقىتتا كەيبٸر كەلٸسٸمدەر مەن شارتتاردىڭ قايتا قارالعانىن ايتىپ, كەسٸپكەرلەرگە كەدەرگٸ جاساۋ بيلٸكتٸڭ ماقساتى ەمەس ەكەنٸن جەتكٸزدٸ. سونداي-اق 2027 جىلعى 1 قاڭتاردان باستاپ شاعىن كەسٸپكەرلٸكتٸ تەكسەرۋگە ارنالعان تاعى ٷش جىلدىق موراتوريي جارييالاۋ تاپسىرىلعانىن ەسكە سالدى.
توقاەۆ «سامۇرىق-قازىنا» قورى مەن مەملەكەتتٸك كومپانييالاردىڭ جۇمىسى, سونىڭ ٸشٸندە «قازاقستان تەمٸر جولىنىڭ» قىزمەتٸ ٷزدٸكسٸز جالعاساتىنىن مەلٸمدەدٸ. ونىڭ پٸكٸرٸنشە, جەمقورلىققا قارسى كٷرەس ينۆەستورلار مەن نەسيە بەرۋشٸلەردٸڭ سەنٸمٸن ارتتىرىپ, مەملەكەتتٸك ينستيتۋتتاردىڭ اشىق ەرٸ تيٸمدٸ جۇمىس ٸستەۋٸنە ىقپال ەتۋٸ كەرەك.
پرەزيدەنت باس پروكۋراتۋرانىڭ زاڭسىز يەمدەنٸلگەن جالپى سوماسى 1,3 تريلليون تەڭگەدەن اساتىن اكتيۆتەردٸ قايتارعانىن دا اتاپ ٶتتٸ. بۇل قاراجات 466 ەلەۋمەتتٸك جەنە ينفراقۇرىلىمدىق نىسان سالۋعا باعىتتالعان. قازٸرگٸ ۋاقىتتا ولاردىڭ 383-ٸ, سونىڭ ٸشٸندە مەديتسينالىق مەكەمەلەر, مەكتەپتەر, سپورت كەشەندەرٸ مەن سۋمەن جابدىقتاۋ جەلٸلەرٸ پايدالانۋعا بەرٸلگەن.
سونىمەن قاتار مەملەكەت باسشىسى سالىنعان نىسانداردىڭ, ەسٸرەسە جولداردىڭ ساپاسىن تەكسەرۋ قاجەتتٸگٸن ايتتى.
«وسى وقيعانىڭ ٶزٸ جەمقورلىققا قاتىستى قۇقىقبۇزۋشىلىقتار مەملەكەتتٸك كومپانييالاردىڭ ەڭ وسال تۇسى, ياعني باستى دەرتٸ ەكەنٸن ايقىن كٶرسەتٸپ وتىر», – دەدٸ پرەزيدەنت.
وسىعان بايلانىستى ٷكٸمەت پەن باقىلاۋشى ورگاندار 24 قاراشاعا دەيٸن سىبايلاس جەمقورلىق قۇقىقبۇزۋشىلىقتارىن ازايتۋ جەنە كۆازيمەملەكەتتٸك سەكتورداعى كومپانييالار مەن ولاردىڭ قىزمەتكەرلەرٸنٸڭ جۇمىس ساپاسىن جاقسارتۋ جٶنٸندە ۇسىنىس ەزٸرلەۋٸ كەرەك.
