ەلەمگە تانىمال قازاقستاندىق ەنشٸ ديماش قۇدايبەرگەننٸڭ لاتىن امەريكاسىنداعى كونتسەرتٸ ەرەكشە ەسەرگە بٶلەندٸ. مەكسيكانىڭ مەريدا قالاسىندا ٶتكەن كەشتە مىڭداعان كٶرەرمەن قازاق تٸلٸندەگٸ ەندەردٸ قوسىلا شىرقاپ, ٶنەر يەسٸنە ىستىق ىقىلاسىن بٸلدٸردٸ, دەپ حابارلايدى ult.kz.
ديماش قۇدايبەرگەن شەتەلدەگٸ كونتسەرتتەرٸندە قازاق تٸلٸندەگٸ ەندەرگە ايرىقشا ورىن بەرەدٸ. وسى ارقىلى ول ەلەم جۇرتشىلىعىن قازاقتىڭ ۇلتتىق ٶنەرٸمەن, تٸلٸمەن جەنە مەدەنيەتٸمەن تانىستىرىپ كەلەدٸ. ەنشٸ ەرٸ مۋزىكالىق پروديۋسەر رەتٸندە ەر تۋىندىنىڭ ۇلتتىق بولمىسىن ساقتاپ, ونى زاماناۋي مۋزىكالىق ٷلگٸدە ۇسىنۋعا مەن بەرەدٸ.
بٷگٸندە ەلەمنٸڭ تٷكپٸر-تٷكپٸرٸندەگٸ جانكٷيەرلەرٸ قازاقشا ەندەردٸ جاتتاپ, ديماشپەن بٸرگە ورىنداۋدى دەستٷرگە اينالدىرعان. مەريداداعى كونتسەرت تە وسى ٷردٸستٸڭ جالعاسىنا اينالدى. ەسٸرەسە "Aqerke" ەنٸ شىرقالعان سەت كٶپشٸلٸكتٸڭ ەسٸندە قالدى. Dears جانكٷيەرلەر قاۋىمداستىعىنىڭ مٷشەلەرٸ اق تٷستٸ قاتپارلى قاعازدان جٷرەكشەلەر جاساپ, ەن ورىندالعان كەزدە ولاردى ەۋەن ىرعاعىمەن تەربەتتٸ. كٶرەرمەندەردٸڭ مۇنداي ىقىلاسى ەنشٸنٸ ەرەكشە تولقىتتى.
"تٸپتٸ ايتارعا سٶز تابا الماي تۇرمىن, سٸزدەرگە مىڭ العىس! بٷگٸن مەنٸڭ ٷلكەن ارماندارىمنىڭ بٸرٸ ورىندالعان كٷن. بالا كەزٸمدە لاتىن امەريكاسىنا كەلۋدٸ ارماندايتىنمىن. ارادا جىلدار ٶتكەندە جاراتقان ماعان وسىنداي مٷمكٸندٸك بەردٸ. بٷگٸنگٸ كونتسەرت, ەڭ الدىمەن, سٸزدەردٸڭ ارقالارىڭىزدا ٶتتٸ. ٶزٸمدٸ ٶتە باقىتتى جان سانايمىن, ٶيتكەنٸ مەنٸڭ وسىنداي تىڭدارمانىم بار. قازاقستانعا كەلٸڭٸزدەر, قوناعىم بولىڭىزدار", – دەدٸ ديماش ساحنا تٶرٸندە.
كونتسەرتتە ورىندالعان "TAU ISHSINDE" ەنٸ دە جانكٷيەرلەردٸڭ ەرەكشە قولداۋىنا يە بولدى. 2025 جىلدىڭ جازىندا العاش تانىستىرىلعان بۇل شىعارما از ۋاقىت ٸشٸندە ەلەمدەگٸ Dears قاۋىمداستىعىنىڭ سٷيٸكتٸ ەندەرٸنٸڭ بٸرٸنە اينالعان. قازٸر جانكٷيەرلەر ونى ەر كونتسەرتتە ديماشپەن بٸرگە شىرقايدى. تٸپتٸ ەن اياقتالعاننان كەيٸن دە كٶرەرمەندەر توقتاماي, بٷكٸل زال بولىپ ەۋەندٸ جالعاستىرۋدى ەدەتكە اينالدىرعان.
مەريداداعى كەشتٸڭ تاعى بٸر ەسەرلٸ سەتٸ قازاقستان مەن مەكسيكا تۋلارىنىڭ قاتار جەلبٸرەۋٸ بولدى. ديماش ۇمىتىلماس كٷن تۋرالى ەنٸن ورىنداعان كەزدە كٶرەرمەندەردٸڭ ىستىق ىقىلاسىنا العىس بٸلدٸرٸپ, ەكٸ ەل اراسىنداعى دوستىقتىڭ بەلگٸسٸ رەتٸندە قوس مەملەكەتتٸڭ تۋىن جوعارى كٶتەردٸ. وسى سەتتە مىڭداعان كٶرەرمەن "پاي-پاي, شٸركٸن, ۇمىتىلماس كٷن" دەگەن قازاقشا جولداردى ەش مٷدٸرمەستەن بٸرگە شىرقادى. قازاق تٸلٸن بٸلمەيتٸن شەتەلدٸك جانكٷيەرلەردٸڭ ەن سٶزدەرٸن جاتقا ايتۋى كەشتٸڭ ەڭ ەسەرلٸ كٶرٸنٸستەرٸنٸڭ بٸرٸنە اينالدى.
ايتا كەتەيٸك, ديماشتىڭ DIMENSIONS ەلەمدٸك گاسترولدٸك تۋرىنىڭ باعدارلاماسىندا ۇلتتىق ناقىشتاعى ەندەرمەن قاتار, ٶزٸ شىعارعان قازاق تٸلٸندەگٸ تۋىندىلار دا بار. ولاردىڭ قاتارىندا "Dimensions", "Omir", "SAMGAU", "Moonlight" جەنە "ZHANA KUN" ەندەرٸ ورىندالىپ جٷر.
وسىلايشا, مەريداداعى كونتسەرتتە ديماشتىڭ جانكٷيەرلەرٸ قازاق تٸلٸندەگٸ ەندەردٸ بٸرگە شىرقاپ, قازاقستان مەدەنيەتٸنە دەگەن قۇرمەتٸن كٶرسەتتٸ. ال ٶنەر يەسٸ بالا كٷنگٸ ارمانى ورىندالعانىن ايتىپ, مەكسيكالىق تىڭدارماندارىن قازاقستانعا قوناققا شاقىردى.
