تانىمال ەنشٸ, كومپوزيتور ەرٸ پروديۋسەر, بۇرىنعى "الاشۇلى" توبىنىڭ مٷشەسٸ ۇشقىن جامالبەك اتا-ەجەسٸنٸڭ تەربيەسٸندە ٶسكەنٸن ايتىپ, بالا كٷنٸنەن كٶڭٸلٸندە قالعان ٶكٸنٸشٸمەن بٶلٸستٸ, دەپ حابارلايدى ult.kz.
ٶنەر يەسٸ "كەشكٸ الماتى" باعدارلاماسىندا قازاق وتباسىلارىندا بۇرىننان قالىپتاسقان بالانى اتا-ەجەسٸنٸڭ باۋىرىنا سالۋ دەستٷرٸ تۋرالى سٶز قوزعادى. ەنشٸنٸڭ ايتۋىنشا, ونى نەبەرٸ توعىز ايلىق كەزٸندە اتا-ەجەسٸ قولىنا الىپ, ٶز بالاسىنداي ٶسٸرگەن. سوندىقتان ول تۋعان ەكە-شەشەسٸن كٷنٸ بٷگٸنگە دەيٸن "اعا-تەتە" دەپ اتايدى.
"مەن شال مەن كەمپٸردٸڭ بالاسىمىن. انام مەن ەكەمدٸ "اعا-تەتە" دەيمٸن. توعىز ايلىق كەزٸمدە باۋىرلارىنا سالىپ, ٶسٸرگەن. ەكٸ جىل بولدى ول كٸسٸلەردٸڭ ٶمٸردەن ٶتكەندەرٸنە. ٶسيەتتەرٸ عوي ەندٸ. مىناۋ ەكەڭ, مىناۋ اناڭ دەپ ايتتى. بەتتەرٸنەن الىپ جٷرمە. بۇرىنعىداي اعا-تەتە دەپ ەركەلەپ جٷرمە, بۇل سەنٸڭ كەدٸمگٸ زاڭدى ەكە-شەشەڭ دەدٸ. ونى ەندٸ بۇرىنعىدان بٸلەسٸڭ عوي. بٸراق ەلٸ كٷنگە دەيٸن ەكەمدٸ اعا, ال انامدى تەتە دەيمٸن. بٸز جاقتا تەتە دەيدٸ. ول كٸسٸلەر قازٸر قولىمدا", – دەدٸ ەنشٸ.
ەڭگٸمە بارىسىندا باعدارلاما جٷرگٸزۋشٸسٸ قازٸرگٸ قوعامدا بالانى اتا-ەجەسٸنٸڭ تەربيەسٸنە بەرمەۋ كەرەكتٸگٸ جيٸ ايتىلاتىنىن جەتكٸزدٸ. ۇشقىن جامالبەك بۇل پٸكٸرمەن كەلٸسەتٸنٸن ايتىپ, ونىڭ سەبەبٸن ٶز ٶمٸرٸمەن بايلانىستىردى.
ەنشٸنٸڭ سٶزٸنشە, اتا-ەجەسٸنٸڭ مەيٸرٸمٸنە بٶلەنٸپ ٶسكەنٸمەن, تۋعان ەكەسٸمەن ەكە مەن بالاعا تەن جاقىندىقتى سەزٸنە الماعان.
"دۇرىس, بەرمەۋ كەرەك. بەرمەۋ كەرەك دەگەندە, اتا-انا ٶزٸ تەربيەلەۋ كەرەك ەكەن. بٸز ونى بٸلمەيمٸز عوي, كەزٸندە سولاي بولدى. مەن ٶزٸم باسىمنان ٶتكٸزگەن اداممىن ونى. ەلٸ كٷنگە دەيٸن ەكەمە بارىپ "ەكە" دەپ ەركەلەي المايمىن. اعا رەتٸندە كٶرەمٸن. مەنٸڭ ونداي ماحابباتىم سول اتا-ەجەمدە قالىپ قالعان عوي", – دەپ اعىنان جارىلدى ٶنەر يەسٸ.
ول اتا-ەجەسٸنٸڭ قولىندا ٶسكەنٸنە ٶكٸنەتٸنٸن ايتقان جوق. دەگەنمەن ەر بالانىڭ ٶز ەكە-شەشەسٸنٸڭ جانىندا ٶسٸپ, اتا-ەجەسٸن دە ٶز ورنىمەن تانىعانى دۇرىس دەپ ەسەپتەيدٸ.
"باسقالاردى بٸلمەيمٸن, بٸراق مەن ٶزٸم بۇنى قۇپتايمىن. اتا-اناسىمەن تۇرۋ كەرەك. ال اتا-ەجەگە سول اتا-ەجەڭ دەپ ٷيرەتۋ كەرەك", – دەپ تٷيٸندەدٸ ەنشٸ.
ايتا كەتەيٸك, ۇشقىن جامالبەك – كٶپشٸلٸككە "الاشۇلى" توبى ارقىلى تانىلعان ەنشٸ, كومپوزيتور جەنە پروديۋسەر. بٷگٸندە ٶنەر يەسٸ ەكٸ ۇل مەن ەكٸ قىز تەربيەلەپ وتىرعان تٶرت بالانىڭ ەكەسٸ.
