Kaspii teńizindegi áskeri oqý-jattyǵý kezinde aman qalǵan sarbaz Temirhan Aqjol Timýrulynyń videosy tarady, dep habarlaidy ult.kz.
Bul videony bloger Azamat Sársenbaev jariialady.
«2007 jyly týǵan Temiralyev Aqjol – aman qalǵan sarbazdardyń ishinen aýrýhanaǵa jatqyzylǵan jalǵyz áskeri qyzmetshi. Keshe beri áleýmettik jelide onyń jaǵdaiyna qatysty túrli aqparat tarap jatyr. Qazirgi ýaqytta onyń jaǵdaiy turaqty. Aqjol júrip júr, ózdiginen tamaqtanyp, sóilese alady. Dárigerler ózderine tiesili barlyq kómekti kórsetti. Endi sarbazǵa qalpyna kelip, óz-ózine kelýi úshin ýaqyt qajet», - dedi ol.
Buǵan deiin, sarbazdyń ákesi suhbat bergen edi. Aman qalǵan sarbaz ákesine dál osy jattyǵýǵa 2-3 kún daiyndalǵanyn aitqan. Ózi jaǵaǵa júzip shyǵypty. Keiin dostaryn izdegen. Biraq jarty saǵattan soń basy ainalyp qulapty.
Kaspiidegi qaiǵyly oqiǵadan keiin áleýmettik jelide taraǵan sýret kópshiliktiń nazaryn aýdardy. Kadrda aýrýhanada jatqan sarbaz Aqjol Temiralyevtiń qolynda qaza bolǵan qarýlasy Mádihan Azamat Bolatbekulynyń bereti kórinedi.
Sýretti áleýmettik jelige Aian Óribai jariialaǵan. Onyń aitýynsha, Aqjoldyń jaǵdaiy aýyr bolǵanyna qaramastan, ol dosynyń beretin qolynan shyǵarmaǵan. Sarbaz beretti marqumnyń ata-anasyna ózi tabystaǵysy keletinin aitqan.
«Azamat dosymdyki, ózim berem dep qolynan jibermeidi. Beibit zamanda Otan aldyndaǵy boryshyn ótep júrgen qarshadai jigitter baqilyq bolyp ketti. Ajal aiaq asty, bir sátte…», – dep jazdy Aian Óribai.
Qorǵanys ministrliginiń resmi málimetine sáikes, Mádihan Azamat Bolatbekuly Kaspii teńizindegi áskeri oqý-jattyǵý kezinde qaza tapqan merzimdi áskeri qyzmettegi matrostardyń qatarynda.
