كاسپيي تەڭٸزٸندەگٸ ەسكەري وقۋ-جاتتىعۋ كەزٸندە امان قالعان سارباز تەمٸرحان اقجول تيمۋرۇلىنىڭ ۆيدەوسى تارادى, دەپ حابارلايدى ult.kz.
بۇل ۆيدەونى بلوگەر ازامات سەرسەنباەۆ جارييالادى.
«2007 جىلى تۋعان تەمٸرالىەۆ اقجول – امان قالعان ساربازداردىڭ ٸشٸنەن اۋرۋحاناعا جاتقىزىلعان جالعىز ەسكەري قىزمەتشٸ. كەشە بەرٸ ەلەۋمەتتٸك جەلٸدە ونىڭ جاعدايىنا قاتىستى تٷرلٸ اقپارات تاراپ جاتىر. قازٸرگٸ ۋاقىتتا ونىڭ جاعدايى تۇراقتى. اقجول جٷرٸپ جٷر, ٶزدٸگٸنەن تاماقتانىپ, سٶيلەسە الادى. دەرٸگەرلەر ٶزدەرٸنە تيەسٸلٸ بارلىق كٶمەكتٸ كٶرسەتتٸ. ەندٸ ساربازعا قالپىنا كەلٸپ, ٶز-ٶزٸنە كەلۋٸ ٷشٸن ۋاقىت قاجەت», - دەدٸ ول.
بۇعان دەيٸن, ساربازدىڭ ەكەسٸ سۇحبات بەرگەن ەدٸ. امان قالعان سارباز ەكەسٸنە دەل وسى جاتتىعۋعا 2-3 كٷن دايىندالعانىن ايتقان. ٶزٸ جاعاعا جٷزٸپ شىعىپتى. كەيٸن دوستارىن ٸزدەگەن. بٸراق جارتى ساعاتتان سوڭ باسى اينالىپ قۇلاپتى.
كاسپييدەگٸ قايعىلى وقيعادان كەيٸن ەلەۋمەتتٸك جەلٸدە تاراعان سۋرەت كٶپشٸلٸكتٸڭ نازارىن اۋداردى. كادردا اۋرۋحانادا جاتقان سارباز اقجول تەمٸرالىەۆتٸڭ قولىندا قازا بولعان قارۋلاسى مەدٸحان ازامات بولاتبەكۇلىنىڭ بەرەتٸ كٶرٸنەدٸ.
سۋرەتتٸ ەلەۋمەتتٸك جەلٸگە ايان ٶرٸباي جارييالاعان. ونىڭ ايتۋىنشا, اقجولدىڭ جاعدايى اۋىر بولعانىنا قاراماستان, ول دوسىنىڭ بەرەتٸن قولىنان شىعارماعان. سارباز بەرەتتٸ مارقۇمنىڭ اتا-اناسىنا ٶزٸ تابىستاعىسى كەلەتٸنٸن ايتقان.
«ازامات دوسىمدىكٸ, ٶزٸم بەرەم دەپ قولىنان جٸبەرمەيدٸ. بەيبٸت زاماندا وتان الدىنداعى بورىشىن ٶتەپ جٷرگەن قارشاداي جٸگٸتتەر باقيلىق بولىپ كەتتٸ. اجال اياق استى, بٸر سەتتە…», – دەپ جازدى ايان ٶرٸباي.
قورعانىس مينيسترلٸگٸنٸڭ رەسمي مەلٸمەتٸنە سەيكەس, مەدٸحان ازامات بولاتبەكۇلى كاسپيي تەڭٸزٸندەگٸ ەسكەري وقۋ-جاتتىعۋ كەزٸندە قازا تاپقان مەرزٸمدٸ ەسكەري قىزمەتتەگٸ ماتروستاردىڭ قاتارىندا.
