كٶپشٸلٸك سٷيٸپ تىڭدايتىن ەن ورىنداۋشىنىڭ ٶزٸنە دە ٷنەمٸ قۋانىش سىيلاي بەرمەيدٸ. بٸرٸ قايتا-قايتا ايتۋدان جالىقسا, ەندٸ بٸرٸنە سول تۋىندى جاقىنىن ەسٸنە تٷسٸرەدٸ. قازاقستاندىق ٶنەرپازداردىڭ سۇحباتتارى مەن ولار تۋرالى جارييالانىمداردان كەي ەندٸ ورىنداۋعا نەگە قۇلىقسىز بولعانى بەلگٸلٸ بولدى, دەپ حابارلايدى ult.kz.

سكريپتونيت: حيتتەرٸن ورىنداۋدان مەزٸ بولعان

سكريپتونيتتٸڭ تىڭدارمانعا تانىمال ەندەرٸنٸڭ قاتارىندا “ەتو ليۋبوۆ” پەن “تانتسۋي ساما” بار. الايدا مۋزىكانتتىڭ ٶزٸ كەزٸندە وسى تۋىندىلارىن ورىنداۋدان جالىققانىن ايتقان.

StarHit باسىلىمى كەلتٸرگەن 2017 جىلعى پٸكٸرٸندە ول اتالعان ەندەردٸڭ ٶزٸن تٸتٸركەندٸرەتٸنٸن جەتكٸزگەن. سونداي-اق سول كەزدە “كوسموس” تۋىندىسىن بٸرنەشە كونتسەرت بويى ورىنداماعانىن ايتقان. بۇل — مۋزىكانتتىڭ سول كەزەڭدەگٸ كٶزقاراسى.

ايقىن: “پاح-پاح” تۋرالى نە جازىلعان?

ايقىن تٶلەپبەرگەننٸڭ “پاح-پاح” ەنٸ دە كٶپشٸلٸككە جاقسى تانىس. 1show.kz سايتىنداعى بۇرىنعى جارييالانىمدا بۇل ەننٸڭ ورىنداۋشىنىڭ ٶزٸنە دە جالىقتىرعانى جازىلعان.

دەگەنمەن ماتەريالدا ەنشٸنٸڭ وسىعان قاتىستى تٸكەلەي سٶزٸ كەلتٸرٸلمەيدٸ. سوندىقتان بۇل مەلٸمەتكە سٷيەنٸپ, ايقىن تۋىندىنى رەپەرتۋارىنان الىپ تاستادى نەمەسە قازٸر ورىندامايدى دەپ ايتۋعا بولمايدى.

ماقپال جٷنٸسوۆا: جۇبايىن ەسكە سالاتىن ەن

ماقپال جٷنٸسوۆانىڭ “بٸر بولايىق, نۇرلانايىق” ەنٸن ايتقىسى كەلمەۋٸنٸڭ سەبەبٸ بٶلەك. بۇل تۋىندىنى سەيدوللا بەيتەرەكوۆ زامانبەك نۇرقادٸلوۆ پەن ماقپال جٷنٸسوۆاعا ارنايى جازعان, سٶزٸنٸڭ اۆتورى — ەبدٸراحمان اسىلبەك.

2025 جىلعى اقپاندا ەنشٸ جەكە پاراقشاسىندا بۇرىنعى باعدارلامادان ٷزٸندٸ بٶلٸسكەن. وقىرماندارى ەندٸ نەگە ورىنداماي جٷرگەنٸن سۇراعاندا: “زەكەڭ بار كەزدە ايتتىم. ول جوق كەزدە ايتقىم كەلمەيدٸ”, — دەپ جاۋاپ بەرگەن.

توقتار سەرٸكوۆ: داۋدان كەيٸن ەنٸن ايتۋدى توقتاتقان

توقتار سەرٸكوۆ “اۋىلعا بارامىن” ەنٸن ورىنداۋدان نەگە باس تارتقانىن 2024 جىلى “ەيگەرٸم سەيفوللانىڭ سىرلاسۋى” باعدارلاماسىندا تٷسٸندٸرگەن.

ەنشٸنٸڭ ايتۋىنشا, تۋىندىسى شىققاننان كەيٸن جەرلەس سازگەر ونىڭ ٶز ەنٸنە ۇقسايتىنىن ايتىپ, داۋ تۋعان. توقتار سەرٸكوۆ ەلگٸ شىعارمانى بۇرىن تىڭداماعانىن جەتكٸزگەنٸمەن, كەيٸن سازگەرمەن سٶيلەسٸپ, مەسەلەنٸ شەشكەن.