قازاقستان پرەزيدەنتٸ قاسىم-جومارت توقاەۆ پەن ەنشٸ ديماش قۇدايبەرگەن 2027 جىلعى The Muslim 500 تٸزٸمٸنە ەنگٸزٸلدٸ, دەپ حابارلايدى ult.kz.
رەيتينگتٸ يوردانييا استاناسى اممانداعى كورولدٸك يسلام ستراتەگييالىق زەرتتەۋلەر ورتالىعى ەزٸرلەگەن. توقاەۆ “ساياسات”, ال ديماش “ٶنەر جەنە مەدەنيەت” ساناتىندا اتالعان.
تٸزٸمدەگٸ العاشقى 50 تۇلعاعا ناقتى ورىن بەرٸلگەن. قالعان قاتىسۋشىلار قىزمەت سالاسىنا قاراي توپتاستىرىلعان. ولاردىڭ اراسىندا دٸن ٶكٸلدەرٸ, ساياساتكەرلەر, عالىمدار, كەسٸپكەرلەر, سپورتشىلار مەن ٶنەر ادامدارى بار.
پورتالدىڭ جازۋىنشا, بيىل بٸرٸنشٸ ورىندى بەس ادام بٶلٸسكەن. ولار – ساۋد ارابيياسىنىڭ كورولٸ سالمان يبن ابدۋلازيز, تاق مۇراگەرٸ مۇحاممەد يبن سالمان, پەكٸستان پرەمەر-مينيسترٸ شەحباز شاريف, فەلدمارشال اسيم مۋنير جەنە تٷركييا پرەزيدەنتٸ رەجەپ تاييپ ەردوعان. سونداي-اق العاشقى بەستٸكتە مودجتابا حامەنەي مەن يوردانييا كورولٸ ابداللا II اتالعان.
ورتالىق ازييا ەلدەرٸنٸڭ باسشىلارى اراسىندا ٶزبەكستان پرەزيدەنتٸ شاۆكات ميرزييوەۆ ەڭ جوعارى ورىنعا كٶتەرٸلگەن. ول 40-ورىنعا تۇراقتاپ, العاش رەت ٷزدٸك ەلۋلٸككە كٸرگەن.
تٸزٸمگە ەزەربايجان پرەزيدەنتٸ يلحام ەليەۆ, شەشەنستان باسشىسى رامزان قادىروۆ جەنە سپورتشى حابيب نۇرماعومەدوۆ تە ەنگەن. نۇرماعومەدوۆكە ارنايى قۇرمەت بەلگٸسٸ بەرٸلگەنٸ ايتىلعان.
The Muslim 500 رەيتينگٸ 2009 جىلدان بەرٸ جىل سايىن جارييالانادى. ونى قۇراستىرۋشىلار تۇلعالاردىڭ مۇسىلمان قاۋىمىنا, قوعامدىق ٶمٸرگە, ساياسات پەن مەدەنيەتكە ىقپالىن ەسكەرەدٸ. تٸزٸم ساياسات, دٸن, كەسٸپكەرلٸك, قايىرىمدىلىق, عىلىم, اقپارات قۇرالدارى, ٶنەر جەنە سپورتتى قوسا العاندا, 13 باعىتتى قامتيدى.
ديماش قۇدايبەرگەن كٸم?
ديماش قۇدايبەرگەن – ەلەمگە تانىلعان قازاقستاندىق ەنشٸ, كومپوزيتور, قازاقستاننىڭ حالىق ەرتٸسٸ. تولىق اتى-جٶنٸ – دٸنمۇحاممەد قاناتۇلى قۇدايبەرگەن. ول 1994 جىلى 24 مامىردا اقتٶبە قالاسىندا ٶنەرلٸ وتباسىندا دٷنيەگە كەلگەن. ەكەسٸ قانات ايتباەۆ پەن اناسى سۆەتلانا ايتباەۆا دا – ەنشٸلەر.
ديماش 2015 جىلى بەلارۋستٸڭ ۆيتەبسك قالاسىندا ٶتكەن “سلاۆيان بازارى” حالىقارالىق بايقاۋىنىڭ باس جٷلدەسٸن جەڭٸپ الدى. ال 2017 جىلى قىتايداعى Singer جوباسىندا ەكٸنشٸ ورىن يەلەنٸپ, حالىقارالىق دەڭگەيدە كەڭٸنەن تانىلدى. داۋىس مٷمكٸندٸگٸ مەن كٷردەلٸ شىعارمالاردى ورىنداۋ شەبەرلٸگٸ شەتەلدٸك تىڭدارماننىڭ نازارىن اۋداردى.
ەنشٸ قازاق ۇلتتىق ٶنەر ۋنيۆەرسيتەتٸندە ەسترادا ٶنەرٸ ماماندىعى بويىنشا بٸلٸم العان. ول ەلەم ساحنالارىندا ٶنەر كٶرسەتٸپ, قازاق مۋزىكاسىن شەتەلدٸك اۋديتوريياعا تانىتىپ جٷر. شىعارماشىلىعىندا ۇلتتىق مۋزىكانىڭ ٷنٸن ساقتاۋعا, جاس ۇرپاقتىڭ دەستٷرلٸ اسپاپتارعا قىزىعۋشىلىعىن ارتتىرۋعا مەن بەرەدٸ.
