Atyraý oblysynda bútin bir otbasynyń qazasyna qatysty rezonanstyq is qoǵam nazarynan túspei tur, dep habarlaidy ult.kz.
Áleýmettik jelilerde marqumdardyń denesi tabylǵan kúngi oqiǵanyń mán-jaiy aitylǵan video tarady. Onda týystary men kýágerlerdiń aitýynsha, úi aýlasyndaǵy saraidan kúmándi belgiler baiqalyp, qazý jumystary kezinde máiitter anyqtalǵan.
Jýrnalisterge suhbat bergen kýágerler máiitterdiń qalai tabylǵanyn baiandady. Olardyń sózinshe, sarai ishindegi divannyń orny aýysyp turǵany kúdik týǵyzyp, keiin sol jer qazylǵan. Bir metrge jýyq tereńdikten alǵashqy máiit tabylǵany aityldy.
