Atyraýda tórt adam qaza tapqan qandy oqiǵaǵa qatysty marqumdardyń týysy jańa kúmándi jaittardy aitty, dep habarlaidy ult.kz Arasha.kz saityna siltep.
Maqsot Qarabalinniń inisi Shalqar Muqanǵaliev Aqbaian Muqanǵalievaǵa qatysty birqatar zań buzýshylyq bolýy múmkin ekenin alǵa tartty. Onyń sózinshe, bul másele sot otyrysynda aitylǵan aqparattan keiin týyndaǵan.
Shalqar Muqanǵalievtiń aitýynsha, Sultan Sársemálievtiń ápkesi Aqbaiannyń qujattarymen júrgeni, onyń densaýlyǵyna bailanysty belgili bir sheshim qabyldaý maqsatynda áreket etkeni aitylǵan.
"Sultannyń apasy (ápkesi) Aqbaiannyń qujatymen júrgeni, iaǵni aýrýyna bailanysty sheshim qabylday maqsatynda júrgeni týraly aitqan bolatyn. Sol sot otyrysynan keiin bizde suraq týyndady. Eger de, olar 2022 jyly zań júzinde ajyrasqan bolsa, olar qalai áke-sheshesiniń ruqsatynsyz, Aqbaiannyń ruqsatynsyz qujat jinaqtaǵan. Bul qanshalyqty zańdy? Advokatymyzdan suradyq. Ózimen (Sultanmen) birge Aqtaýǵa alyp barýynyń, ózimen birge Qazaqstannyń shekarasynan ótip, Ózbekstanǵa barýynyń bárin qylmystyq is dep sanaimyn. Aqbaianǵa aqyl-esiniń kemistigi týraly sheshim qabyldanǵan bolsa, bul – zańdy elemeý", – dedi Shalqar Muqanǵaliev.
