اتىراۋدا تٶرت ادام قازا تاپقان قاندى وقيعاعا قاتىستى مارقۇمداردىڭ تۋىسى جاڭا كٷمەندٸ جايتتاردى ايتتى, دەپ حابارلايدى ult.kz Arasha.kz سايتىنا سٸلتەپ.
ماقسوت قاراباليننٸڭ ٸنٸسٸ شالقار مۇقانعاليەۆ اقبايان مۇقانعاليەۆاعا قاتىستى بٸرقاتار زاڭ بۇزۋشىلىق بولۋى مٷمكٸن ەكەنٸن العا تارتتى. ونىڭ سٶزٸنشە, بۇل مەسەلە سوت وتىرىسىندا ايتىلعان اقپاراتتان كەيٸن تۋىنداعان.
شالقار مۇقانعاليەۆتٸڭ ايتۋىنشا, سۇلتان سەرسەمەليەۆتٸڭ ەپكەسٸ اقباياننىڭ قۇجاتتارىمەن جٷرگەنٸ, ونىڭ دەنساۋلىعىنا بايلانىستى بەلگٸلٸ بٸر شەشٸم قابىلداۋ ماقساتىندا ەرەكەت ەتكەنٸ ايتىلعان.
"سۇلتاننىڭ اپاسى (ەپكەسٸ) اقباياننىڭ قۇجاتىمەن جٷرگەنٸ, ياعني اۋرۋىنا بايلانىستى شەشٸم قابىلداy ماقساتىندا جٷرگەنٸ تۋرالى ايتقان بولاتىن. سول سوت وتىرىسىنان كەيٸن بٸزدە سۇراق تۋىندادى. ەگەر دە, ولار 2022 جىلى زاڭ جٷزٸندە اجىراسقان بولسا, ولار قالاي ەكە-شەشەسٸنٸڭ رۇقساتىنسىز, اقباياننىڭ رۇقساتىنسىز قۇجات جيناقتاعان. بۇل قانشالىقتى زاڭدى? ادۆوكاتىمىزدان سۇرادىق. ٶزٸمەن (سۇلتانمەن) بٸرگە اقتاۋعا الىپ بارۋىنىڭ, ٶزٸمەن بٸرگە قازاقستاننىڭ شەكاراسىنان ٶتٸپ, ٶزبەكستانعا بارۋىنىڭ بەرٸن قىلمىستىق ٸس دەپ سانايمىن. اقبايانعا اقىل-ەسٸنٸڭ كەمٸستٸگٸ تۋرالى شەشٸم قابىلدانعان بولسا, بۇل – زاڭدى ەلەمەۋ", – دەدٸ شالقار مۇقانعاليەۆ.
