Atyraýda turǵyn úi keshenderiniń birinde tórt adam mingen lift úshinshi qabattan apatty jaǵdaida tómen túsip ketken. Oqiǵa saldarynan úsh turǵyn aýrýhanaǵa jetkizildi, dep habarlaidy ult.kz.
Oqiǵa 5 qazanda Qulmanov kóshesi, 1B mekenjaiyndaǵy «Grand Atyraý» turǵyn úi kesheniniń «B» blogynda bolǵan.
Qala ákimdiginiń málimetinshe, lift ishinde tórt turǵyn bolǵan. Úsh adam jedel járdemmen aýrýhanaǵa jetkizilip, meditsinalyq tekserýden ótti. Aldyn ala málimet boiynsha, olardyń jaǵdaiy qanaǵattanarlyq. Tórtinshi turǵyn dáriger kómeginen bas tartqan.
Oqiǵadan keiin Atyraý qalasynyń ákimi Daniiar Tahanov turǵyn úi keshenine baryp, jaǵdaidy baqylaýyna aldy. Jaýapty mamandarǵa liftiniń apatty jaǵdaida tómen túsýine ne sebep bolǵanyn anyqtaý tapsyryldy.
Sonymen qatar qaladaǵy barlyq liftilerdiń tehnikalyq jaǵdaiyn tekserip, olardyń qaýipsizdik deńgeiin baǵalaý jóninde tapsyrma berildi.
Atyraý qalasynda 179 kópqabatty úide shamamen 570 lift bar. Onyń 67-sin jóndeý josparlanǵan. Buǵan deiin qalada lift infraqurylymyna qatysty másele kóterilgen. Máselen, 2012 jáne 2024 jyldary 30 turǵyn úidegi 59 lift aýystyrylǵan.
Qazir oqiǵanyń naqty sebebi anyqtalyp jatyr.
