اتىراۋدا تۇرعىن ٷي كەشەندەرٸنٸڭ بٸرٸندە تٶرت ادام مٸنگەن ليفت ٷشٸنشٸ قاباتتان اپاتتى جاعدايدا تٶمەن تٷسٸپ كەتكەن. وقيعا سالدارىنان ٷش تۇرعىن اۋرۋحاناعا جەتكٸزٸلدٸ, دەپ حابارلايدى ult.kz.
وقيعا 5 قازاندا قۇلمانوۆ كٶشەسٸ, 1ب مەكەنجايىنداعى «گراند اتىراۋ» تۇرعىن ٷي كەشەنٸنٸڭ «ب» بلوگىندا بولعان.
قالا ەكٸمدٸگٸنٸڭ مەلٸمەتٸنشە, ليفت ٸشٸندە تٶرت تۇرعىن بولعان. ٷش ادام جەدەل جەردەممەن اۋرۋحاناعا جەتكٸزٸلٸپ, مەديتسينالىق تەكسەرۋدەن ٶتتٸ. الدىن الا مەلٸمەت بويىنشا, ولاردىڭ جاعدايى قاناعاتتانارلىق. تٶرتٸنشٸ تۇرعىن دەرٸگەر كٶمەگٸنەن باس تارتقان.
وقيعادان كەيٸن اتىراۋ قالاسىنىڭ ەكٸمٸ دانييار تاحانوۆ تۇرعىن ٷي كەشەنٸنە بارىپ, جاعدايدى باقىلاۋىنا الدى. جاۋاپتى ماماندارعا ليفتٸنٸڭ اپاتتى جاعدايدا تٶمەن تٷسۋٸنە نە سەبەپ بولعانىن انىقتاۋ تاپسىرىلدى.
سونىمەن قاتار قالاداعى بارلىق ليفتٸلەردٸڭ تەحنيكالىق جاعدايىن تەكسەرٸپ, ولاردىڭ قاۋٸپسٸزدٸك دەڭگەيٸن باعالاۋ جٶنٸندە تاپسىرما بەرٸلدٸ.
اتىراۋ قالاسىندا 179 كٶپقاباتتى ٷيدە شامامەن 570 ليفت بار. ونىڭ 67-سٸن جٶندەۋ جوسپارلانعان. بۇعان دەيٸن قالادا ليفت ينفراقۇرىلىمىنا قاتىستى مەسەلە كٶتەرٸلگەن. مەسەلەن, 2012 جەنە 2024 جىلدارى 30 تۇرعىن ٷيدەگٸ 59 ليفت اۋىستىرىلعان.
قازٸر وقيعانىڭ ناقتى سەبەبٸ انىقتالىپ جاتىر.
