1-7 qazan aralyǵynda Astanada Qazaqstannyń Halyq artisi, «Parasat» jáne «Qurmet» ordenderiniń iegeri, teatr jáne kino aktrisasy Merýert Ótekeshevanyń 75 jasyna arnalǵan «TEATR ALL» IV halyqaralyq teatr festivali ótedi, dep habarlaidy ult.kz.
Festival Astana qalasy ákimdiginiń qoldaýymen tórtinshi ret uiymdastyrylyp otyr. Biylǵy teatr dodasyna Qazaqstanmen qatar Ázerbaijan, Qyrǵyzstan jáne Ózbekstannyń teatr ujymdary qatysady.
Festivaldiń basty maqsaty – Merýert Ótekeshevanyń shyǵarmashylyq murasyn nasihattap, kórermendi aktrisanyń ónerdegi jolymen tanystyrý. Óner iesiniń esimi qazaq kino tarihynda «Qyz Jibek» filmindegi Jibek beinesimen tyǵyz bailanysty. Ol somdaǵan keiipker ulttyq kinonyń tanymal áiel obrazdarynyń birine ainaldy.
«TEATR ALL» aiasynda otandyq jáne sheteldik teatr ujymdarynyń qoiylymdary usynylyp, shyǵarmashylyq bailanystardy nyǵaitýǵa jáne tájiribe almasýǵa múmkindik beriledi. Festival baǵdarlamasynda klassikalyq shyǵarmalarmen qatar zamanaýi teatr janryndaǵy qoiylymdar da bar.
Festival baǵdarlamasy:
1 qazanda saǵat 14:00-de S.Qojamqulov atyndaǵy Ulytaý oblystyq sazdy drama teatry Ý.Shekspirdiń «Makbet» tragediiasyn usynady. Qoiylym Astana qalasy ákimdiginiń Mýzykalyq jas kórermen teatrynda ótedi.
Sol kúni festivaldiń qyzyl kilemmen júrý rásimi men saltanatty ashylýy uiymdastyrylyp, saǵat 18:00-de Mýzykalyq jas kórermen teatrynyń Ǵ.Músirepov pen E.Brýsilovskiidiń «Qyz Jibek» etno-folklorlyq miýzikli kórsetiledi.
2 qazanda Asanáli Áshimov atyndaǵy Almaty qalalyq teatrynyń «Tomiris» performansy, N.Jantýrin atyndaǵy Mańǵystaý oblystyq sazdy drama teatrynyń «TOI» tragikomediiasy jáne Aqmola oblystyq orys drama teatrynyń M.Áýezovtiń «Vystrel na perevale Karash» mýzykalyq dramasy sahnalanady.
3 qazanda Astana qalalyq tsirkiniń «Contrasst» bi teatry «Metamorphoses» zamanaýi balet-refleksiiasyn, Ázerbaijannyń «M.Teatr» táýelsiz teatry E.L.Voinichtiń «Ovod» romany jelisimen «Bógelek» dramasyn kórsetedi. Keshki baǵdarlamada Q.Qýanyshbaev atyndaǵy Qazaq ulttyq mýzykalyq drama teatrynyń «Anna Karenina. Roman paraqtary» horeo-dramasy usynylady.
4 qazanda Á.Mámbetov atyndaǵy memlekettik drama jáne komediia teatrynyń «Tanakóz» melodramasy, Qyrǵyz Respýblikasynyń B.Kydykeeva atyndaǵy Qyrǵyz memlekettik jas kórermen teatrynyń Sh.Aitmatov shyǵarmasy negizindegi «Jámila» dramasy jáne M.Gorkii atyndaǵy memlekettik akademiialyq orys drama teatrynyń «Sotvorivshaia chýdo ili chto takoe liýbov?» mýzykalyq dramasy kórermenge jol tartady.
5 qazanda R.Seitmetov atyndaǵy Túrkistan qalasynyń sazdy drama teatry «Qatynqamal» performansyn, Ózbekstan memlekettik drama teatry A.Navoidyń «Láili men Májnún» dramasyn usynady. Al keshki ýaqytta Mýzykalyq jas kórermen teatrynyń «Shákárim» mýzykalyq dramasy sahnalanady.
6 qazanda Astana qalasy ákimdiginiń «Qanattylar» inkliýzivti teatry Abai qara sózderiniń jelisi boiynsha «Abai-LA» performansyn, Atyraý oblystyq Jastar teatry M.Áýezovtiń «Qaraly sulý» horeo-dramasyn kórsetedi. Festivaldiń sońǵy qoiylymdarynyń biri retinde Ǵ.Músirepov atyndaǵy Memlekettik akademiialyq balalar men jasóspirimder teatrynyń «Ulpan» mýzykalyq dramasy usynylady.
7 qazanda K.Báiseiitova atyndaǵy Qazaq ulttyq óner ýniversitetinde Merýert Ótekeshevanyń 75 jyldyǵyna arnalǵan «Merýert Ótekeshevanyń shyǵarmashylyq murasy: qazirgi teatr ónerindegi sabaqtastyq pen jańashyldyq» atty halyqaralyq ǵylymi-praktikalyq konferentsiia ótedi.
Sol kúni saǵat 17:00-de festivaldiń saltanatty jabylýy men jeńimpazdardy marapattaý rásimi uiymdastyrylady. Al saǵat 19:00-de Merýert Ótekeshevanyń 75 jasyna arnalǵan «Qazaqtyń Qyz Jibegi» atty shyǵarmashylyq kesh ótedi.
Festival baǵdarlamasy ulttyq teatr dástúri men zamanaýi sahna ónerin toǵystyryp, Qazaqstan jáne shetel teatrlary arasyndaǵy shyǵarmashylyq ári mádeni bailanysty nyǵaitýǵa baǵyttalǵan.
