1-7 قازان ارالىعىندا استانادا قازاقستاننىڭ حالىق ارتيسٸ, «پاراسات» جەنە «قۇرمەت» وردەندەرٸنٸڭ يەگەرٸ, تەاتر جەنە كينو اكتريساسى مەرۋەرت ٶتەكەشەۆانىڭ 75 جاسىنا ارنالعان «تەاتر ALL» IV حالىقارالىق تەاتر فەستيۆالٸ ٶتەدٸ, دەپ حابارلايدى ult.kz.
فەستيۆال استانا قالاسى ەكٸمدٸگٸنٸڭ قولداۋىمەن تٶرتٸنشٸ رەت ۇيىمداستىرىلىپ وتىر. بيىلعى تەاتر دوداسىنا قازاقستانمەن قاتار ەزەربايجان, قىرعىزستان جەنە ٶزبەكستاننىڭ تەاتر ۇجىمدارى قاتىسادى.
فەستيۆالدٸڭ باستى ماقساتى – مەرۋەرت ٶتەكەشەۆانىڭ شىعارماشىلىق مۇراسىن ناسيحاتتاپ, كٶرەرمەندٸ اكتريسانىڭ ٶنەردەگٸ جولىمەن تانىستىرۋ. ٶنەر يەسٸنٸڭ ەسٸمٸ قازاق كينو تاريحىندا «قىز جٸبەك» فيلمٸندەگٸ جٸبەك بەينەسٸمەن تىعىز بايلانىستى. ول سومداعان كەيٸپكەر ۇلتتىق كينونىڭ تانىمال ەيەل وبرازدارىنىڭ بٸرٸنە اينالدى.
«تەاتر ALL» اياسىندا وتاندىق جەنە شەتەلدٸك تەاتر ۇجىمدارىنىڭ قويىلىمدارى ۇسىنىلىپ, شىعارماشىلىق بايلانىستاردى نىعايتۋعا جەنە تەجٸريبە الماسۋعا مٷمكٸندٸك بەرٸلەدٸ. فەستيۆال باعدارلاماسىندا كلاسسيكالىق شىعارمالارمەن قاتار زاماناۋي تەاتر جانرىنداعى قويىلىمدار دا بار.
فەستيۆال باعدارلاماسى:
1 قازاندا ساعات 14:00-دە س.قوجامقۇلوۆ اتىنداعى ۇلىتاۋ وبلىستىق سازدى دراما تەاترى ۋ.شەكسپيردٸڭ «ماكبەت» تراگەديياسىن ۇسىنادى. قويىلىم استانا قالاسى ەكٸمدٸگٸنٸڭ مۋزىكالىق جاس كٶرەرمەن تەاترىندا ٶتەدٸ.
سول كٷنٸ فەستيۆالدٸڭ قىزىل كٸلەممەن جٷرۋ رەسٸمٸ مەن سالتاناتتى اشىلۋى ۇيىمداستىرىلىپ, ساعات 18:00-دە مۋزىكالىق جاس كٶرەرمەن تەاترىنىڭ ع.مٷسٸرەپوۆ پەن ە.برۋسيلوۆسكييدٸڭ «قىز جٸبەك» ەتنو-فولكلورلىق ميۋزيكلٸ كٶرسەتٸلەدٸ.
2 قازاندا اسانەلٸ ەشٸموۆ اتىنداعى الماتى قالالىق تەاترىنىڭ «توميريس» پەرفورمانسى, ن.جانتۋرين اتىنداعى ماڭعىستاۋ وبلىستىق سازدى دراما تەاترىنىڭ «توي» تراگيكومەديياسى جەنە اقمولا وبلىستىق ورىس دراما تەاترىنىڭ م.ەۋەزوۆتٸڭ «ۆىسترەل نا پەرەۆالە كاراش» مۋزىكالىق دراماسى ساحنالانادى.
3 قازاندا استانا قالالىق تسيركٸنٸڭ «Contrasst» بي تەاترى «Metamorphoses» زاماناۋي بالەت-رەفلەكسيياسىن, ەزەربايجاننىڭ «م.تەاتر» تەۋەلسٸز تەاترى ە.ل.ۆوينيچتٸڭ «وۆود» رومانى جەلٸسٸمەن «بٶگەلەك» دراماسىن كٶرسەتەدٸ. كەشكٸ باعدارلامادا ق.قۋانىشباەۆ اتىنداعى قازاق ۇلتتىق مۋزىكالىق دراما تەاترىنىڭ «اننا كارەنينا. رومان پاراقتارى» حورەو-دراماسى ۇسىنىلادى.
4 قازاندا ە.مەمبەتوۆ اتىنداعى مەملەكەتتٸك دراما جەنە كومەدييا تەاترىنىڭ «تاناكٶز» مەلودراماسى, قىرعىز رەسپۋبليكاسىنىڭ ب.كىدىكەەۆا اتىنداعى قىرعىز مەملەكەتتٸك جاس كٶرەرمەن تەاترىنىڭ ش.ايتماتوۆ شىعارماسى نەگٸزٸندەگٸ «جەميلا» دراماسى جەنە م.گوركيي اتىنداعى مەملەكەتتٸك اكادەمييالىق ورىس دراما تەاترىنىڭ «سوتۆوريۆشايا چۋدو يلي چتو تاكوە ليۋبوۆ?» مۋزىكالىق دراماسى كٶرەرمەنگە جول تارتادى.
5 قازاندا ر.سەيتمەتوۆ اتىنداعى تٷركٸستان قالاسىنىڭ سازدى دراما تەاترى «قاتىنقامال» پەرفورمانسىن, ٶزبەكستان مەملەكەتتٸك دراما تەاترى ا.ناۆويدىڭ «لەيلٸ مەن مەجنٷن» دراماسىن ۇسىنادى. ال كەشكٸ ۋاقىتتا مۋزىكالىق جاس كٶرەرمەن تەاترىنىڭ «شەكەرٸم» مۋزىكالىق دراماسى ساحنالانادى.
6 قازاندا استانا قالاسى ەكٸمدٸگٸنٸڭ «قاناتتىلار» ينكليۋزيۆتٸ تەاترى اباي قارا سٶزدەرٸنٸڭ جەلٸسٸ بويىنشا «اباي-لا» پەرفورمانسىن, اتىراۋ وبلىستىق جاستار تەاترى م.ەۋەزوۆتٸڭ «قارالى سۇلۋ» حورەو-دراماسىن كٶرسەتەدٸ. فەستيۆالدٸڭ سوڭعى قويىلىمدارىنىڭ بٸرٸ رەتٸندە ع.مٷسٸرەپوۆ اتىنداعى مەملەكەتتٸك اكادەمييالىق بالالار مەن جاسٶسپٸرٸمدەر تەاترىنىڭ «ۇلپان» مۋزىكالىق دراماسى ۇسىنىلادى.
7 قازاندا ك.بەيسەيٸتوۆا اتىنداعى قازاق ۇلتتىق ٶنەر ۋنيۆەرسيتەتٸندە مەرۋەرت ٶتەكەشەۆانىڭ 75 جىلدىعىنا ارنالعان «مەرۋەرت ٶتەكەشەۆانىڭ شىعارماشىلىق مۇراسى: قازٸرگٸ تەاتر ٶنەرٸندەگٸ ساباقتاستىق پەن جاڭاشىلدىق» اتتى حالىقارالىق عىلىمي-پراكتيكالىق كونفەرەنتسييا ٶتەدٸ.
سول كٷنٸ ساعات 17:00-دە فەستيۆالدٸڭ سالتاناتتى جابىلۋى مەن جەڭٸمپازداردى ماراپاتتاۋ رەسٸمٸ ۇيىمداستىرىلادى. ال ساعات 19:00-دە مەرۋەرت ٶتەكەشەۆانىڭ 75 جاسىنا ارنالعان «قازاقتىڭ قىز جٸبەگٸ» اتتى شىعارماشىلىق كەش ٶتەدٸ.
فەستيۆال باعدارلاماسى ۇلتتىق تەاتر دەستٷرٸ مەن زاماناۋي ساحنا ٶنەرٸن توعىستىرىپ, قازاقستان جەنە شەتەل تەاترلارى اراسىنداعى شىعارماشىلىق ەرٸ مەدەني بايلانىستى نىعايتۋعا باعىتتالعان.
