Túrkistan oblysynda tótenshe jaǵdai jariialandy. Bul týraly oqiǵa ornyna barǵan óńir ákimi málim etti.
«Áskeri bólimde jarylys boldy. Saǵat 09.20 kezinde habarlama túsip, tótenshe jaǵdai jariialandy. Jaqynda ornalasqan barlyq aýdandar men eldimekender jumyldyryldy. Qazir oqiǵanyń aýqymyna baǵa bere otyryp, qalany tolyǵymen evakýatsiialaý kerektigin uqtyq. Sondyqtan, barlyq baǵyt boiynsha kólikter legi ótedi. Kólikter adamdardy tiep alyp, arnaiy lagerlerge ornalastyratyn bolady. Barlyq aýdan ákimderi lagerlerdi uiymdastyrýdy qolǵa alyp, kelgenderdiń tizimin jasaýy kerek. Árbir ákimge tapsyrma: kelgenderdiń bárin úige nemese qonaqúige ornalastyrý kerek. Árbir lagerdi aýdan ákimderi basqarady. Qazir evakýtsiia máselesi bar. Biz sonymen ainalysyp jatyrmyz», - dedi Ómirzaq Shókeev.
Eske salsaq, Arys qalasyndaǵy áskeri bólimniń qoimasynda jarylys bolǵandyǵy týraly habarlaǵan bolatynbyz. QR Qorǵanys ministrligi Arystaǵy jarylystan zardap shekkender joq ekendigin málimdedi. Toqaev Arystaǵy oq-dári qoimasyndaǵy jarylys zardaptaryn joiýdy tapsyrdy.
