تٷركٸستان وبلىسىندا تٶتەنشە جاعداي جارييالاندى. بۇل تۋرالى وقيعا ورنىنا بارعان ٶڭٸر ەكٸمٸ مەلٸم ەتتٸ.
«ەسكەري بٶلٸمدە جارىلىس بولدى. ساعات 09.20 كەزٸندە حابارلاما تٷسٸپ, تٶتەنشە جاعداي جارييالاندى. جاقىندا ورنالاسقان بارلىق اۋداندار مەن ەلدٸمەكەندەر جۇمىلدىرىلدى. قازٸر وقيعانىڭ اۋقىمىنا باعا بەرە وتىرىپ, قالانى تولىعىمەن ەۆاكۋاتسييالاۋ كەرەكتٸگٸن ۇقتىق. سوندىقتان, بارلىق باعىت بويىنشا كٶلٸكتەر لەگٸ ٶتەدٸ. كٶلٸكتەر ادامداردى تيەپ الىپ, ارنايى لاگەرلەرگە ورنالاستىراتىن بولادى. بارلىق اۋدان ەكٸمدەرٸ لاگەرلەردٸ ۇيىمداستىرۋدى قولعا الىپ, كەلگەندەردٸڭ تٸزٸمٸن جاساۋى كەرەك. ەربٸر ەكٸمگە تاپسىرما: كەلگەندەردٸڭ بەرٸن ٷيگە نەمەسە قوناقٷيگە ورنالاستىرۋ كەرەك. ەربٸر لاگەردٸ اۋدان ەكٸمدەرٸ باسقارادى. قازٸر ەۆاكۋتسييا مەسەلەسٸ بار. بٸز سونىمەن اينالىسىپ جاتىرمىز», - دەدٸ ٶمٸرزاق شٶكەەۆ.
ەسكە سالساق, ارىس قالاسىنداعى ەسكەري بٶلٸمنٸڭ قويماسىندا جارىلىس بولعاندىعى تۋرالى حابارلاعان بولاتىنبىز. قر قورعانىس مينيسترلٸگٸ ارىستاعى جارىلىستان زارداپ شەككەندەر جوق ەكەندٸگٸن مەلٸمدەدٸ. توقاەۆ ارىستاعى وق-دەرٸ قويماسىنداعى جارىلىس زارداپتارىن جويۋدى تاپسىردى.
