قاسىم-جومارت توقاەۆ بٷگٸنگٸ سالتاناتتى رەسٸمنٸڭ مەنٸ تەرەڭ ەرٸ سيمۆوليكالىق تۇرعىدان ەرەكشە ەكەنٸن اتاپ ٶتتٸ. پرەزيدەنتتٸڭ ايتۋىنشا, قازاق پەن تەجٸك حالىقتارىن عاسىرلاردان تامىر تارتاتىن دوستىق, رۋحاني ٷندەستٸك جەنە ورتاق تاريحي تاعدىر بايلانىستىرادى, دەپ حابارلايدى ult.kz.
– بٸزدٸڭ ٶڭٸرٸمٸز ەلەمگە كٶرنەكتٸ ويشىلدار, عالىمدار, شايىرلار مەن اعارتۋشىلاردىڭ تۇتاس شوعىرىن سىيلادى. ولاردىڭ مۇراسى جەكەلەگەن ەلدەر مەن حالىقتاردىڭ اۋقىمىنان اسىپ, كەڭ تارالدى. يسلام قايتا ٶرلەۋ دەۋٸرٸنٸڭ ەڭ كٶرنەكتٸ تۇلعالارىنىڭ بٸرٸ – قوجا احمەت ياساۋي. قازاق حالقى ۇلى عۇلاما ەرٸ اعارتۋشى ەسٸمٸن ەرتەدەن ەرەكشە قاستەر تۇتادى, كيەلٸ سانايدى. سونىمەن قاتار قوجا احمەت ياساۋي مۇراسى – بٷكٸل ٶركەنيەتكە جەنە ەرينە, عاسىرلار بويى ورتاق رۋحاني دەستٷرلەرٸ قالىپتاسقان ورتالىق ازييا حالىقتارىنا تيەسٸلٸ قازىنا, – دەدٸ قازاقستان پرەزيدەنتٸ.
مەملەكەت باسشىسى ۇلى ويشىلدىڭ ٸلٸمٸ ادامگەرشٸلٸك, ەدٸلەت, مەيٸرٸم جەنە گۋمانيزم يدەيالارىنا تۇنىپ تۇرعانىن اتاپ ٶتتٸ.
– بۇل ٸلٸم شىن مەنٸندە دٷنيەتانىمىمىزدى, بولمىسىمىزدى, ٶمٸر سالتىمىزدى قالىپتاستىردى, جٷزدەگەن جىلدار بويى ادامداردى بٸرٸكتٸرٸپ, ولاردىڭ جاقسىلىق پەن جاسامپازدىققا دەگەن سەنٸمٸن ارتتىردى. ياساۋي تانىمى زامانىنان وزىق ەدٸ. سوندىقتان بٷگٸنگە دەيٸن عيبراتتى عۇمىر جولىن نۇسقايتىن ٶزٸندٸك بٸر رۋحاني-ادامگەرشٸلٸك باعدار قىزمەتٸن اتقارىپ كەلەدٸ. ٶزٸڭٸزگە مەلٸم, قۇرمەتتٸ ەمومالي شاريپوۆيچ, قولعا العان رەفورمالاردىڭ نەتيجەسٸندە قوعامىمىز جان-جاقتى جاڭعىرۋدا. جاڭا قوعامدىق ەتيكا قالىپتاستىرۋ وسى سان الۋان جۇمىستىڭ ٸشٸندە ەرەكشە ورىن الادى. قوجا احمەت ياساۋي دەرٸپتەگەن بيٸك ادامگەرشٸلٸك مۇراتتار, سونداي-اق ەدٸلەت, ەڭبەكقورلىق, تازالىق, پاتريوتيزم قاعيداتتارى ەلٸمٸزدە قوعامدىق سانانىڭ اجىراماس بٶلٸگٸنە اينالدى. ياساۋي مۇراسىنا ايرىقشا مەن بەرە وتىرىپ, بيىل ۇلى ويشىل, عۇلاما, اعارتۋشى تۇلعانىڭ قۇرمەتٸنە جاڭا مەملەكەتتٸك ماراپات بەلگٸلەۋدٸ ۇسىندىم, – دەدٸ پرەزيدەنت.
