Qasym-Jomart Toqaev búgingi saltanatty rásimniń máni tereń ári simvolikalyq turǵydan erekshe ekenin atap ótti. Prezidenttiń aitýynsha, qazaq pen tájik halyqtaryn ǵasyrlardan tamyr tartatyn dostyq, rýhani úndestik jáne ortaq tarihi taǵdyr bailanystyrady, dep habarlaidy ult.kz.
– Bizdiń óńirimiz álemge kórnekti oishyldar, ǵalymdar, shaiyrlar men aǵartýshylardyń tutas shoǵyryn syilady. Olardyń murasy jekelegen elder men halyqtardyń aýqymynan asyp, keń taraldy. Islam qaita órleý dáýiriniń eń kórnekti tulǵalarynyń biri – Qoja Ahmet Iasaýi. Qazaq halqy uly ǵulama ári aǵartýshy esimin erteden erekshe qaster tutady, kieli sanaidy. Sonymen qatar Qoja Ahmet Iasaýi murasy – búkil órkenietke jáne árine, ǵasyrlar boiy ortaq rýhani dástúrleri qalyptasqan Ortalyq Aziia halyqtaryna tiesili qazyna, – dedi Qazaqstan Prezidenti.
Memleket basshysy uly oishyldyń ilimi adamgershilik, ádilet, meiirim jáne gýmanizm ideialaryna tunyp turǵanyn atap ótti.
– Bul ilim shyn máninde dúnietanymymyzdy, bolmysymyzdy, ómir saltymyzdy qalyptastyrdy, júzdegen jyldar boiy adamdardy biriktirip, olardyń jaqsylyq pen jasampazdyqqa degen senimin arttyrdy. Iasaýi tanymy zamanynan ozyq edi. Sondyqtan búginge deiin ǵibratty ǵumyr jolyn nusqaityn ózindik bir rýhani-adamgershilik baǵdar qyzmetin atqaryp keledi. Ózińizge málim, qurmetti Emomali Sharipovich, qolǵa alǵan reformalardyń nátijesinde qoǵamymyz jan-jaqty jańǵyrýda. Jańa qoǵamdyq etika qalyptastyrý osy san alýan jumystyń ishinde erekshe oryn alady. Qoja Ahmet Iasaýi dáriptegen biik adamgershilik murattar, sondai-aq ádilet, eńbekqorlyq, tazalyq, patriotizm qaǵidattary elimizde qoǵamdyq sananyń ajyramas bóligine ainaldy. Iasaýi murasyna airyqsha mán bere otyryp, biyl uly oishyl, ǵulama, aǵartýshy tulǵanyń qurmetine jańa memlekettik marapat belgileýdi usyndym, – dedi Prezident.
