Tanymal ánshi Tóreǵali Tóreáli Threads áleýmettik jelisindegi paraqshasynda qysqa jazba jariialady, dep habarlaidy ult.kz.

“Emshekti emip ósip, súiip ótesiń”, – dep jazdy óner iesi.

Jariialanymda ánshi bul sózdi qandai jaǵdaiǵa bailanysty jazǵanyn túsindirmegen. Skrinshottaǵy kórsetkishterge qaraǵanda, jazbaǵa 22 myńǵa jýyq lúpil basylyp, 1,6 myńǵa jýyq pikir qaldyrylǵan.

Bul - ánshiniń áleýmettik jelidegi nazar aýdartqan alǵashqy jazbasy emes. Buǵan deiin ol Threads paraqshasynda aqyn Esenqul Jaqypbektiń jastyq shaq pen ótken ómir týraly óleńinen úzindi bólisken. Sondai-aq áiel men er adamnyń qarym-qatynasyna qatysty jariialanymdary da talqylanǵan bolatyn. 
Aita keteiik, Tóreǵali Tóreáliniń kontsertine qatysty daý shyqty. 

Tóreǵali Tóreáli kim? 
 

Tóreǵali Tóreáli — qazaqstandyq estrada ánshisi, aitysker aqyn ári akter. Tolyq aty-jóni — Tóreǵali Tóreáliuly Álihanov. Ol 1992 jyly 14 qazanda Qyzylorda oblysynyń Baiqońyr qalasynda dúniege kelgen. Almatydaǵy Temirbek Júrgenov atyndaǵy óner akademiiasynyń kolledjin akter mamandyǵy boiynsha bitirgen.

Óner jolyn aitystan bastap, stýdenttik saiystarda jeńimpaz, respýblikalyq dodalarda júldeger atanǵan. Keiin estradaǵa bet buryp, “Otandy súiý – imannan” ánimen tanyldy.

Erke Esmahanmen birge oryndaǵan “Allo” dýeti de onyń tanymaldyǵyn arttyrdy. Repertýarynda “Birtúrli qyz”, “Erke qyz”, “Naizaǵai bolyp” siiaqty ánder bar. Kópshilik ony “Uly dala balasy” degen atpen de biledi.