Ánshi Meirambek Bespaevtyń jary Marhabat Bespaeva jubaiynyń 50 jas mereitoiyna arnalǵan kontserttiń aiaqtalǵanyn aityp, kórermenge alǵys bildirdi, dep habarlaidy ult.kz.

Ol áleýmettik jelidegi jazbasynda keshke kelgen kópshiliktiń qoldaýy men yqylasyna rizashylyǵyn jetkizdi.

“Meirambek Bespaevtyń 50 jas mereitoiyna arnalǵan kontsertimiz óz máresine jetti! Keshimizge kelip, erekshe kóńil kúi syilaǵan barsha kórermenge shyn júrekten alǵys aitamyz! Qoldaýlaryńyz ben yqylastaryńyz úshin kóp raqmet! Kelesi kezdeskenshe!” – dep jazdy Marhabat Bespaeva.

Aita keteiik, Toqtar Serik pen Ábdijappar Álqojanyń bii jelide synǵa qaldy.

Meirambek Bespaev kim? 

Meirambek Bespaev — qazaq estradasynyń tanymal ánshisi, termeshi, Qazaqstannyń eńbek sińirgen qairatkeri, “MýzART” tobynyń múshesi. Ol 1976 jyly 7 qarashada Jambyl oblysynyń Talas aýdanynda dúniege kelgen. Ónerge bala kezinen aralasyp, qońyr daýsymen kópshilikke erte tanylǵan. Altynbek Qorazbaevtyń “Boztorǵai” ánin oryndap, tyńdarman yqylasyna bólengen. Osy án arqyly halyq arasynda “qazaqtyń Boztorǵaiy” atanǵan. 

Ánshilikpen qatar kino salasynda da baǵyn synaǵan. Bozbala shaǵynda rejisser Qanymbek Qasymbekovtiń “Qoshtasqym kelmeidi” filminde Nurseittiń rólin somdaǵan.

Onyń shyǵarmashylyǵynda dástúrli ánder, termeler men estradalyq týyndylar qatar oryn alady. Repertýarynda Altynbek Qorazbaevtyń, Kenen Ázirbaevtyń jáne Nurǵisa Tilendievtiń shyǵarmalary bar.