Tanymal telejúrgizýshi Dinara Janyqul (Sátjan) áleýmettik jelidegi paraqshasynda eki anasyna degen yqylasyn bildirdi, dep habarlaidy ult.kz.

“Eki anamnyń qyzy bolǵanyma baqyttymyn”, – dep jazdy ol.

Telejúrgizýshi buǵan deiin de enesine degen qurmetin ashyq bildirip kelgen. Máselen, biyl aqpanda enesin 82 jasqa tolǵan týǵan kúnimen quttyqtap, júz jasqa jetýin tilegen. Jariialanymdarynda ony erkeletip “eneshka” dep ataityny da jazylǵan. 

Dinara enesi Jaqsygúl Janyqulovamen birge “Jibek joly” arnasyna suhbat bergen. Áńgime barysynda enesi kelininiń aqkóńildigi men ashyq minezin atap ótken. Al telejúrgizýshi otbasyndaǵy syilastyq pen ózara sóilese bilýdiń mańyzyna toqtalǵan. 

Eske salaiyq, Dinara Sátjan 2025 jyly kásipker Jumabek Janyqulovpen shańyraq kótergen. Turmysqa shyqqannan keiin tegin Janyqul dep ózgertkenin habarlaǵanymen, kópshilik ony áli de Sátjan tegimen tanidy. 
Aita keteiik, 

Dinara Sátjan kim? 
 

Dinara Sátjan — qazaqstandyq jýrnalist, telejúrgizýshi, mediamenedjer ári kásipker. Kópshilikke jańalyqtar júrgizýshisi jáne tanymal tulǵalarmen suhbattasatyn jýrnalist retinde tanys. Ol 1982 jyly 21 qyrkúiekte Jańaarqada dúniege kelgen. Televiziiadaǵy eńbek jolynda “Astana” jáne “Habar” arnalarynda jumys istep, keiin avtorlyq jobalaryn damytqan.

Jýrnalistikadan bólek, sán jáne sulýlyq salasynda kásippen ainalysqan. Dinaranyń Danial esimdi uly men Diana esimdi qyzy bar.

2025 jyly kásipker Jumabek Janyqulovqa turmysqa shyǵyp, tegin Janyqul dep ózgertken. Áleýmettik jelide kásibi, otbasy jáne jeke ómirine qatysty oilarymen bólisip otyrady.