كەڭەستٸك جەنە رەسەيلٸك تەاتر جەنە كينو اكتەرٸ يۋريي كايۋروۆ 99 جاسىندا دٷنيەدەن ٶتتٸ. ٶنەر يەسٸ 6 قاراشادا كٶز جۇمعان, دەپ حابارلايدى ult.kz.
تەاتر ۇجىمى مارقۇمنىڭ تۋعان-تۋىستارى مەن ٶنەرٸن باعالاعان كٶرەرمەندەرٸنە كٶڭٸل ايتتى. كايۋروۆ بيىل 30 قىركٷيەكتە 99 جاسقا تولعان. سوڭعى جىلدارى ساحناعا شىقپاعانىمەن, تەاتر ٶمٸرٸنەن قول ٷزبەي, جاڭا قويىلىمداردىڭ پرەمەرالارىنا كەلٸپ جٷرگەن.
يۋريي كايۋروۆ 1927 جىلى چەرەپوۆەتس قالاسىندا دٷنيەگە كەلگەن. 1952 جىلى لەنينگراد مەملەكەتتٸك تەاتر ينستيتۋتىن بٸتٸرٸپ, ساراتوۆ دراما تەاترىندا ەڭبەك جولىن باستاعان. وندا 15 جىل جۇمىس ٸستەگەننەن كەيٸن, 1967 جىلى مالىي تەاترعا شاقىرىلعان. وسى تەاتر ساحناسىندا 25 رٶل سومداعان.
تانىمال وبراز
اكتەرگە كەڭ تانىمالدىق ەكەلگەن وبراز — ۆلاديمير لەنيننٸڭ رٶلٸ. ول بۇل كەيٸپكەردٸ العاش رەت 1961 جىلى رەجيسسەر اناتوليي رىباكوۆتىڭ “ۆ ناچالە ۆەكا” فيلمٸندە سومدادى. كەيٸن لەنين بەينەسٸن جالپى 16 فيلم مەن ەكٸ سپەكتاكلدە الىپ شىققان.
كايۋروۆتىڭ شىعارماشىلىعى بٸر عانا تاريحي تۇلعانىڭ بەينەسٸمەن شەكتەلمەيدٸ. ول “دولگيە پروۆودى”, “پروپاۆشايا ەكسپەديتسييا”, “گوسۋدارستۆەننايا گرانيتسا”, “پەتەربۋرگسكيە تاينى” جەنە باسقا دا فيلمدەر مەن تەلەجوبالارعا تٷسكەن. ٶنەردەگٸ ەڭبەگٸ ٷشٸن حالىق ەرتٸسٸ اتانىپ, كسرو مەن رەسەيدٸڭ مەملەكەتتٸك سىيلىقتارىنا يە بولعان.
اكتەردٸڭ وتباسىنان الىنعان مەلٸمەت بويىنشا, قوشتاسۋ رەسٸمٸ مەن جەرلەۋ 10 قاراشادا مەسكەۋدەگٸ تروەكۋروۆ زيراتىندا ٶتەدٸ.
