Жұбайына қол көтерді деген айыпқа ілінген қазақстандық боксшы Теміртас Жүсіпов пен оның жұбайы Айжан Жүсіпова бірге бейнеүндеу жариялады, деп хабарлайды ult.kz.
Бейнежазбада ерлі-зайыптылар болған жағдайдан кейін қорытынды жасап, некелерін сақтап қалуға шешім қабылдағандарын айтты.
Сондай-ақ Айжан Жүсіпова арызын өз еркімен қайтарып алғанын және қылмыстық істі тоқтатуды сұрағанын мәлімдеді. Оның сөзінше, бұл шешімді қабылдауға ешкім қысым көрсетпеген.
Ерлі-зайыптылар көпшіліктен өз таңдауларына құрметпен қарап, жеке өмірлеріне араласпауды сұрады.
