21 тамызда суперауыр салмақтағы қазақстандық боксшы Жан Кособуцкий (15-0, 14 КО) кәсіпқой рингте кезекті жекпе-жегін өткізеді, деп хабарлайды "Ұлт ақпарат" Sports.kz сайтына сілтеме жасап.
Германияның Гамбург қаласындағы Universum Gym залында Жан WBA International титулын қорғау мақсатында американдық боксшы Джоуи Давейкоға (21-8-4, 12 КО) қарсы жұдырықтасады.
Жекпе-жек 12 раундқа есептелген. Беделді BoxRec.com сайты Кособцкийдің алдағы айқасын үш жұлдызға бағалаған – бұл оның мансабындағы ең жоғары көрсеткіш. Ал бұған дейін ол көп болғанда екіжұлдызды кездесулер өткізетін.
BoxRec.com-дағы жекпе-жектер рейтингі бокс кешінің статусына, оппозиция деңгейіне, сондай-ақ ойнатылатын титулдар беделіне негізделеді.
