Украиналық актер, тележүргізуші, әнші және музыкант Паша Ли қайтыс болды, - деп хабарлайды Tengrinews.kz тілшісі Liga.net-ке сілтеме жасап.
Паша Ли 6 наурызда Ирпень қаласындағы Ресей әскерімен атыс кезінде қаза тапты.
"Тіпті, суретке түсе алмадық. Жатқан жерің жайлы болсын", - деп жазды украиналық журналист Ярослав Куц Facebook-парақшасында.
Актер 33 жасында қайтыс болды. Ол өмірінің соңғы күндерін Украина Қарулы Күштерінің аумақтық қорғанысы қатарында өткізді.
Паша Ли 1988 жылы 10 шілдеде Евпаторияда дүниеге келген. Ол "Штольня", "Тени незабытых предков", "Встреча одноклассников", "Провинция" және басқа да фильмдерде ойнады.
