Сыртқы істер министрлігі Сербияда Қазақстан азаматының қаза тапқанын ресми түрде растады, деп хабарлайды ult.kz.
Ведомствоның мәліметінше, Қазақстанның Сербиядағы елшілігі жергілікті құзырлы органдармен бірлесіп, оқиғаның мән-жайын анықтап жатыр.
Бұған дейін марқұмның әкесі Threads әлеуметтік желісінде қызының Белградтағы тұрғын үйдің алтыншы қабатынан құлап көз жұмғанын жазған болатын.
СІМ қаза болған азаматтың туған-туыстары мен жақындарына көңіл айтып, қазақстандық дипломаттардың марқұмның отбасымен тұрақты байланыста екенін және қажетті консулдық-құқықтық көмек көрсетіп жатқанын мәлімдеді.
Ведомствоның хабарлауынша, бұл мәселе министрліктің ерекше бақылауында.
