Қазақстанда жеке тұлғаларға арналған автокөлік лизингі бағдарламасы ресми түрде іске қосылды. Бұл көлік сатып алудың жаңа құралына айналмақ. Мұндай тәжірибе көптеген елдің автомобиль нарығында бұрыннан қолданылады, деп хабарлайды ult.kz.
Классикалық автонесиеден айырмашылығы, лизинг автокөлікті пайдалану кезінде икемді шарттарды ұсынады. Келісімшарт мерзімі аяқталғаннан кейін клиент көлікті сатып ала алады, басқа модельге жаңа келісімшарт рәсімдейді немесе автомобильді лизингтік компанияға қайтарады. Мұндай формат әсіресе көлігін үнемі жаңартып отырғанды қалайтын және ескі автокөлігін кейін сатумен айналысқысы келмейтін адамдар арасында сұранысқа ие.
Лизингтің артықшылықтарының бірі – қалдық төлем тетігі. Автомобиль құнының бір бөлігі келісімшарт мерзімінің соңына қалдырылып, тұрақты төлемдерге бөлінбейді. Соның арқасында келісімшарттың негізгі мерзімі ішінде ай сайынғы төлем мөлшерін азайтуға болады. Жаңа келісімшарт рәсімдеген кезде қалдық төлемді басқа автокөлікке бастапқы жарна ретінде аударуға мүмкіндік бар.
Бұл тәсіл Еуропа нарығында әлдеқашан қалыпты тәжірибеге айналған. Корпоративтік және лизингтік сегменттерде сұранысқа ие брендтердің бірі – Škoda. Бұл марканың автомобильдерін автопаркіні ең алдымен жұмыс құралы ретінде қарастыратын компаниялар таңдайды. Өйткені көліктің әрбір бос тұрып қалған күні қосымша шығынға әкеледі, ал оны пайдалану құнының алдын ала болжануы бизнестің тиімділігіне тікелей әсер етеді.
Қазақстан нарығында Škoda маркасы отандық Allur автомобиль компаниясының ұсыныстар қатарында бар. Модельдер өндірісі Қостанай қаласындағы аттас зауытта жүзеге асырылады.
2023 жылғы статистикаға сәйкес, Škoda Superb моделінің сатылымының 90 пайызы, Octavia жалпы сатылымының 87 пайызы және Kodiaq сатылымының 75 пайызы корпоративтік автопаркке арналған fleet бағыты арқылы жүзеге асқан.
2024 жылы Škoda әлем бойынша 926 567 автомобиль сатып, Еуропалық одақ елдеріндегі корпоративтік автопарктерге нарық үлесінің 8,2 пайызы тиесілі болды.
2025 жыл компания үшін бұдан да табысты болды. Еуропада сатылған Škoda модельдерінің жалпы санының 66 пайызы корпоративтік клиенттерге тиесілі. Компания Еуропаның корпоративтік автопарк нарығында 8,9 пайыздық үлеспен екінші орынға шықты.
Еуропада ұзақ уақыттан бері танымал Škoda Octavia Еуропалық одақтың 21 елінде өз класындағы ең көп сатылатын автомобильдердің тізімінде тұрақты түрде көш бастап келеді. Сондай-ақ ол «True Fleets» санатындағы тіркеулер саны бойынша да сегмент көшбасшысы болып отыр. Škoda автомобильдерін корпоративтік автопарктерінде ресми түрде пайдаланатын компаниялардың қатарында Nestlé, Siemens және басқа да ұйымдар бар.
Соңғы онжылдықта Škoda бренді корпоративтік және fleet сегменттеріндегі позициясын біртіндеп нығайтты. Компания дәстүрлі корпоративтік автомобильдер нарығында, әсіресе Octavia мен Superb модельдері арқылы танылған өндірушіден Еуропадағы жетекші fleet брендтерінің біріне айналды. Негізгі модельдер арасында корпоративтік клиенттердің үлесі жоғарылап, Kodiaq және басқа да жол талғамайтын көліктердің есебінен модельдер қатары кеңейді.
Халықаралық нарықтағы жаһандық ынтымақтастықтың жарқын мысалдарының бірі – Coca-Cola компаниясы. Škoda мен Coca-Cola отыз жылдан астам уақыт бойы серіктес болып келеді. Еуропалық брендтің автомобильдері компанияның Чехия, Словакия, Польша, Швейцария және Норвегияны қоса алғанда, Еуропаның шамамен 30 еліндегі корпоративтік автопаркінде пайдаланылады. Coca-Cola компаниясы 1990-жылдардан бері Škoda маркасының мыңдаған көлігін қолданған.
Coca-Cola компаниясының автопарк жөніндегі менеджері Мартин Придала осы марканың таңдалу себебін түсіндірді:
«Škoda автомобильдері Coca-Cola HBC компаниясының таңдаулы көлігіне тек сенімділігі үшін ғана айналған жоқ. Қауіпсіздік пен экологиялық тиімділік те маңызды рөл атқарады. Компания қауіпсіздік жабдықтарының кең ауқымы бар автомобильдерді сатып алады.
Біздің автопарктегі барлық модельдер соқыр аймақтарды бақылау жүйесі, жолақта жүруге көмектесетін жүйе, круиз-бақылау, жүргізушінің шаршауын анықтау датчигі, фараларды қосуға көмектесетін жүйе және басқа да қауіпсіздік функцияларымен жабдықталған.
Осының арқасында біз жол-көлік оқиғаларының санын едәуір азайттық. 2013 жылы шамамен 70 оқиға тіркелсе, қазір олардың саны он есе азайды. Қызметкерлеріміздің ешқайсысы ауыр жарақат алмағанын қуана хабарлаймыз».
Лизинг іс жүзінде автомобильдің сапасын, ұзақ мерзімділігін, жөндеуге жарамдылығын және ең бастысы, қайталама нарықтағы өтімділігін бағалайтын көрсеткішке айналып келеді. Келісімшарт мерзімі аяқталғаннан кейін қайтарылған автомобиль лизингтік компания үшін актив болып қала береді. Компания оны құнын барынша аз жоғалтып, қысқа мерзімде сатуға мүдделі. Сондықтан автомобильдің қалдық құнының жоғары болуы мен қайталама нарықтағы тұрақты сұраныс лизингтік бағдарламаларға арналған модельдерді таңдаудың негізгі өлшемдеріне жатады.
Осы себепті халықаралық компаниялар корпоративтік автопарктерге арналған брендтерді таңдауда меншіктің жиынтық құнына, сенімділігіне, өтімділігіне және техникалық қызмет көрсету шығындарына негізделген жеке рейтингтер мен критерийлер қалыптастырады. Škoda мұндай рейтингтерде жетекші орындарды иеленеді. Бұл бренд автомобильдерінің автопарк тиімділігі қаржылық нәтижеге тікелей әсер ететін компаниялар арасында сұранысқа ие екенін көрсетеді.
Бұл тәсіл Қазақстанда да біртіндеп дамып келеді. Қазіргі уақытта Škoda автомобильдері Pfizer, Red Bull, DHL және басқа да халықаралық компаниялардың корпоративтік автопарктерінде пайдаланылып жүр.
Еуропалық брендтің автомобильдері Қазақстандағы халықтың өмірі мен қауіпсіздігін қамтамасыз етуге байланысты мемлекеттік қызметтердің автопарктерінде де белсенді қолданыла бастады.
Škoda маркасының Қазақстандағы дистрибуция бағытының жетекшісі Андрей Тананыкин лизинг бағдарламасының іске қосылуына қатысты пікір білдірді:
«Бүгінгі баға соғыстары мен ұсыныстар нарығы жағдайында байыптылықты жоғалтпай, сапаның артында тынымсыз еңбек, қомақты инвестициялар, өнімді жылдар бойы әзірлеу және жетілдіру жұмыстары тұрғанын есте сақтау маңызды. Баға мен сапаның арасынан тепе-теңдік табу қажеттігі – бизнес үшін де, қарапайым тұтынушы үшін де экономикалық сауаттылық пен қауіпсіздіктің негізі.
Škoda автомобильдерін әлемнің түкпір-түкпіріндегі ірі халықаралық корпорациялар, мемлекеттік қызметтер, такси және көлікті ортақ пайдалану саласында жұмыс істейтін компаниялар бекер таңдаған жоқ. Бұл – сенімділік, жөндеуге жарамдылық, активті ұзақ пайдалану мерзімі және ең бастысы, тұрақты мобильділік кәсіпорынның өміршеңдігі мен қызметінің негізгі мақсаты болып саналатын салалар. Басқаша айтқанда, уақыт шынымен ақшаға айналатын, ал сол ақшаның құны кейде адам өмірімен өлшенетін орта туралы айтып отырмыз.
Ақырында, бұрын тек заңды тұлғаларға қолжетімді болған автокөлік сатып алу құралы азаматтарымызға, яғни қазіргі және болашақ көлік иелеріне де қолжетімді бола бастады. Қазақстандағы клиенттерімізге балама мүмкіндік ұсынып, Škoda автомобильдерін жеке тұлғаларға арналған лизинг арқылы сатып алудың ыңғайлы қызметін ұсынуға қуаныштымыз. Клиентте әрдайым таңдау мүмкіндігі болуы керек. Балама ұсыну – кез келген табысты бизнес пен жобаның ДНҚ-сы».
Жоғары сенімділік, үнемділік және қалдық құнының сақталуы Škoda маркасын корпоративтік клиенттер үшін ғана емес, жеке тұлғаларға арналған болашақ лизингтік бағдарламалар үшін де тиімді таңдау етеді.
Бұрын лизинг көбіне корпоративтік автопарктермен және ірі бизнеспен байланысты болса, бұл құралдың дамуы жағдайды біртіндеп өзгертіп келеді. Енді автокөлікті лизинг арқылы алу мүмкіндігі жеке тұлғаларға да қолжетімді. Бұл қарапайым тұтынушылардың таңдау мүмкіндігін кеңейтеді: көлікті бірден толық сатып алу немесе классикалық автонесие рәсімдеумен қатар, жаңа автомобильді икемді шарттармен пайдалануға мүмкіндік беретін тағы бір қаржылық құрал пайда болды. Оның шарттары кепіл мен кепілгерге, сондай-ақ банктік кредиттің қатаң төлем кестесіне байланысты емес.
Автокөлікті мерзімінен бұрын қайтару тәртібі
Лизингті жалғастыру тиімсіз болған жағдайда, практикалық тұрғыдан тиімді шешім қабылдағысы келетін клиенттер үшін автокөлікті мерзімінен бұрын қайтару және келісімшартты тоқтату рәсімі қарастырылған.
Бұған әртүрлі себеп болуы мүмкін: отбасында жаңа автомобильдің пайда болуы, көліктің көлеміне немесе түріне деген қажеттіліктің өзгеруі, автомобильдің қазіргі өмір салтына сәйкес келмеуі және тағы басқа жағдайлар.
Мұндай жағдайда рәсім мынадай кезеңдерден тұрады:
Келісімшартты мерзімінен бұрын тоқтату туралы өтініш беру.
Мерзімінен бұрын тоқтату шарттарын есептеу.
Автомобильді тексеру және бағалау.
Қайтару актісін рәсімдеу.
Автомобильді лизинг берушіге тапсыру.
Қорытынды қаржылық есеп айырысуды жүргізу.
Келісімшартты жабу.
Еуропалық брендтің автомобильдерін жеке тұлғалар лизинг арқылы бастапқы жарнасы 20 пайыздан басталатын шарттармен ала алады. Қаржыландыру сомасы 1 миллион теңгеден басталады, ал ең төменгі мерзім – 37 ай.
Лизинг бағдарламасы бойынша автомобильдің нақты құнын дилерлік орталықтағы қаржы кеңесшілерінен білу қажет.
Лизингке өтінімді Škoda дилерлік орталықтарында Allur Finance арқылы немесе Nomad Leasing Solutions лизингтік компаниясының сайтында беруге болады.
Škoda автомобильдеріне арналған өзге де қаржылық ұсыныстар
Ресми дистрибьютор брендтің барлық модельдік қатарына қолданыстағы қаржылық ұсыныстар бар екенін де еске салады.
«Адал еуропалық» («Честный Европеец») бағдарламасы аясында мынадай ұсыныстар қолжетімді:
Škoda Kodiaq – 17 990 000 теңгеден бастап;
Škoda Octavia – соңғы буындағы Selection және SportLine жинақталымдары, 1.4 TSI қозғалтқышымен, 16 490 000 теңге;
Škoda Superb – флагмандық лифтбекке 3 000 000 теңге жеңілдік қарастырылған.
Сондай-ақ 2.0 TSI қозғалтқышымен жабдықталған Škoda Octavia және қалаға арналған ықшам Škoda Karoq кроссовері «Еуропадағыдай пайыз» («Процент как в Европе») бағдарламасы бойынша тиімді шарттармен ұсынылады. Бастапқы жарна 40 пайыз болған жағдайда, үш жыл мерзімге жылдық 0,1 пайыздық мөлшерлеме қолданылады.
Қазақстан аумағындағы ресми дилерлерден сатып алынған барлық автомобильге жүріс қашықтығына шектеусіз екі жылдық кепілдік беріледі. Үшінші жылға арналған кепілдік 100 000 шақырым жүріске дейін қолданылады.
Жеке тұлғаларға арналған лизингтің пайда болуы Қазақстан автомобиль нарығының дамуындағы жаңа кезеңге айналуы мүмкін. Сатып алушылар үшін бұл қаржылық мүмкіндіктердің кеңеюін және заманауи автомобильдерді икемді шарттармен пайдалану мүмкіндігін білдіреді. Ал өндірушілер үшін бұл меншіктің ұзақ мерзімді құны мен өнім сапасына бағытталған ұсыныстарды дамытуға қосымша ынталандыру болмақ.
