Qazaqstanda jeke tulǵalarǵa arnalǵan avtokólik lizingi baǵdarlamasy resmi túrde iske qosyldy. Bul kólik satyp alýdyń jańa quralyna ainalmaq. Mundai tájiribe kóptegen eldiń avtomobil naryǵynda burynnan qoldanylady, dep habarlaidy ult.kz.
Klassikalyq avtonesieden aiyrmashylyǵy, lizing avtokólikti paidalaný kezinde ikemdi sharttardy usynady. Kelisimshart merzimi aiaqtalǵannan keiin klient kólikti satyp ala alady, basqa modelge jańa kelisimshart rásimdeidi nemese avtomobildi lizingtik kompaniiaǵa qaitarady. Mundai format ásirese kóligin únemi jańartyp otyrǵandy qalaityn jáne eski avtokóligin keiin satýmen ainalysqysy kelmeitin adamdar arasynda suranysqa ie.
Lizingtiń artyqshylyqtarynyń biri – qaldyq tólem tetigi. Avtomobil qunynyń bir bóligi kelisimshart merziminiń sońyna qaldyrylyp, turaqty tólemderge bólinbeidi. Sonyń arqasynda kelisimsharttyń negizgi merzimi ishinde ai saiynǵy tólem mólsherin azaitýǵa bolady. Jańa kelisimshart rásimdegen kezde qaldyq tólemdi basqa avtokólikke bastapqy jarna retinde aýdarýǵa múmkindik bar.
Bul tásil Eýropa naryǵynda áldeqashan qalypty tájiribege ainalǵan. Korporativtik jáne lizingtik segmentterde suranysqa ie brendterdiń biri – Škoda. Bul markanyń avtomobilderin avtoparkini eń aldymen jumys quraly retinde qarastyratyn kompaniialar tańdaidy. Óitkeni kóliktiń árbir bos turyp qalǵan kúni qosymsha shyǵynǵa ákeledi, al ony paidalaný qunynyń aldyn ala boljanýy biznestiń tiimdiligine tikelei áser etedi.
Qazaqstan naryǵynda Škoda markasy otandyq Allur avtomobil kompaniiasynyń usynystar qatarynda bar. Modelder óndirisi Qostanai qalasyndaǵy attas zaýytta júzege asyrylady.
2023 jylǵy statistikaǵa sáikes, Škoda Superb modeliniń satylymynyń 90 paiyzy, Octavia jalpy satylymynyń 87 paiyzy jáne Kodiaq satylymynyń 75 paiyzy korporativtik avtoparkke arnalǵan fleet baǵyty arqyly júzege asqan.
2024 jyly Škoda álem boiynsha 926 567 avtomobil satyp, Eýropalyq odaq elderindegi korporativtik avtoparkterge naryq úlesiniń 8,2 paiyzy tiesili boldy.
2025 jyl kompaniia úshin budan da tabysty boldy. Eýropada satylǵan Škoda modelderiniń jalpy sanynyń 66 paiyzy korporativtik klientterge tiesili. Kompaniia Eýropanyń korporativtik avtopark naryǵynda 8,9 paiyzdyq úlespen ekinshi orynǵa shyqty.
Eýropada uzaq ýaqyttan beri tanymal Škoda Octavia Eýropalyq odaqtyń 21 elinde óz klasyndaǵy eń kóp satylatyn avtomobilderdiń tiziminde turaqty túrde kósh bastap keledi. Sondai-aq ol «True Fleets» sanatyndaǵy tirkeýler sany boiynsha da segment kóshbasshysy bolyp otyr. Škoda avtomobilderin korporativtik avtoparkterinde resmi túrde paidalanatyn kompaniialardyń qatarynda Nestlé, Siemens jáne basqa da uiymdar bar.
Sońǵy onjyldyqta Škoda brendi korporativtik jáne fleet segmentterindegi pozitsiiasyn birtindep nyǵaitty. Kompaniia dástúrli korporativtik avtomobilder naryǵynda, ásirese Octavia men Superb modelderi arqyly tanylǵan óndirýshiden Eýropadaǵy jetekshi fleet brendteriniń birine ainaldy. Negizgi modelder arasynda korporativtik klientterdiń úlesi joǵarylap, Kodiaq jáne basqa da jol talǵamaityn kólikterdiń esebinen modelder qatary keńeidi.
Halyqaralyq naryqtaǵy jahandyq yntymaqtastyqtyń jarqyn mysaldarynyń biri – Coca-Cola kompaniiasy. Škoda men Coca-Cola otyz jyldan astam ýaqyt boiy seriktes bolyp keledi. Eýropalyq brendtiń avtomobilderi kompaniianyń Chehiia, Slovakiia, Polsha, Shveitsariia jáne Norvegiiany qosa alǵanda, Eýropanyń shamamen 30 elindegi korporativtik avtoparkinde paidalanylady. Coca-Cola kompaniiasy 1990-jyldardan beri Škoda markasynyń myńdaǵan kóligin qoldanǵan.
Coca-Cola kompaniiasynyń avtopark jónindegi menedjeri Martin Pridala osy markanyń tańdalý sebebin túsindirdi:
«Škoda avtomobilderi Coca-Cola HBC kompaniiasynyń tańdaýly kóligine tek senimdiligi úshin ǵana ainalǵan joq. Qaýipsizdik pen ekologiialyq tiimdilik te mańyzdy ról atqarady. Kompaniia qaýipsizdik jabdyqtarynyń keń aýqymy bar avtomobilderdi satyp alady.
Bizdiń avtoparktegi barlyq modelder soqyr aimaqtardy baqylaý júiesi, jolaqta júrýge kómektesetin júie, krýiz-baqylaý, júrgizýshiniń sharshaýyn anyqtaý datchigi, faralardy qosýǵa kómektesetin júie jáne basqa da qaýipsizdik fýnktsiialarymen jabdyqtalǵan.
Osynyń arqasynda biz jol-kólik oqiǵalarynyń sanyn edáýir azaittyq. 2013 jyly shamamen 70 oqiǵa tirkelse, qazir olardyń sany on ese azaidy. Qyzmetkerlerimizdiń eshqaisysy aýyr jaraqat almaǵanyn qýana habarlaimyz».
Lizing is júzinde avtomobildiń sapasyn, uzaq merzimdiligin, jóndeýge jaramdylyǵyn jáne eń bastysy, qaitalama naryqtaǵy ótimdiligin baǵalaityn kórsetkishke ainalyp keledi. Kelisimshart merzimi aiaqtalǵannan keiin qaitarylǵan avtomobil lizingtik kompaniia úshin aktiv bolyp qala beredi. Kompaniia ony qunyn barynsha az joǵaltyp, qysqa merzimde satýǵa múddeli. Sondyqtan avtomobildiń qaldyq qunynyń joǵary bolýy men qaitalama naryqtaǵy turaqty suranys lizingtik baǵdarlamalarǵa arnalǵan modelderdi tańdaýdyń negizgi ólshemderine jatady.
Osy sebepti halyqaralyq kompaniialar korporativtik avtoparkterge arnalǵan brendterdi tańdaýda menshiktiń jiyntyq qunyna, senimdiligine, ótimdiligine jáne tehnikalyq qyzmet kórsetý shyǵyndaryna negizdelgen jeke reitingter men kriteriiler qalyptastyrady. Škoda mundai reitingterde jetekshi oryndardy ielenedi. Bul brend avtomobilderiniń avtopark tiimdiligi qarjylyq nátijege tikelei áser etetin kompaniialar arasynda suranysqa ie ekenin kórsetedi.
Bul tásil Qazaqstanda da birtindep damyp keledi. Qazirgi ýaqytta Škoda avtomobilderi Pfizer, Red Bull, DHL jáne basqa da halyqaralyq kompaniialardyń korporativtik avtoparkterinde paidalanylyp júr.
Eýropalyq brendtiń avtomobilderi Qazaqstandaǵy halyqtyń ómiri men qaýipsizdigin qamtamasyz etýge bailanysty memlekettik qyzmetterdiń avtoparkterinde de belsendi qoldanyla bastady.
Škoda markasynyń Qazaqstandaǵy distribýtsiia baǵytynyń jetekshisi Andrei Tananykin lizing baǵdarlamasynyń iske qosylýyna qatysty pikir bildirdi:
«Búgingi baǵa soǵystary men usynystar naryǵy jaǵdaiynda baiyptylyqty joǵaltpai, sapanyń artynda tynymsyz eńbek, qomaqty investitsiialar, ónimdi jyldar boiy ázirleý jáne jetildirý jumystary turǵanyn este saqtaý mańyzdy. Baǵa men sapanyń arasynan tepe-teńdik tabý qajettigi – biznes úshin de, qarapaiym tutynýshy úshin de ekonomikalyq saýattylyq pen qaýipsizdiktiń negizi.
Škoda avtomobilderin álemniń túkpir-túkpirindegi iri halyqaralyq korporatsiialar, memlekettik qyzmetter, taksi jáne kólikti ortaq paidalaný salasynda jumys isteitin kompaniialar beker tańdaǵan joq. Bul – senimdilik, jóndeýge jaramdylyq, aktivti uzaq paidalaný merzimi jáne eń bastysy, turaqty mobildilik kásiporynnyń ómirsheńdigi men qyzmetiniń negizgi maqsaty bolyp sanalatyn salalar. Basqasha aitqanda, ýaqyt shynymen aqshaǵa ainalatyn, al sol aqshanyń quny keide adam ómirimen ólshenetin orta týraly aityp otyrmyz.
Aqyrynda, buryn tek zańdy tulǵalarǵa qoljetimdi bolǵan avtokólik satyp alý quraly azamattarymyzǵa, iaǵni qazirgi jáne bolashaq kólik ielerine de qoljetimdi bola bastady. Qazaqstandaǵy klientterimizge balama múmkindik usynyp, Škoda avtomobilderin jeke tulǵalarǵa arnalǵan lizing arqyly satyp alýdyń yńǵaily qyzmetin usynýǵa qýanyshtymyz. Klientte árdaiym tańdaý múmkindigi bolýy kerek. Balama usyný – kez kelgen tabysty biznes pen jobanyń DNQ-sy».
Joǵary senimdilik, únemdilik jáne qaldyq qunynyń saqtalýy Škoda markasyn korporativtik klientter úshin ǵana emes, jeke tulǵalarǵa arnalǵan bolashaq lizingtik baǵdarlamalar úshin de tiimdi tańdaý etedi.
Buryn lizing kóbine korporativtik avtoparktermen jáne iri biznespen bailanysty bolsa, bul quraldyń damýy jaǵdaidy birtindep ózgertip keledi. Endi avtokólikti lizing arqyly alý múmkindigi jeke tulǵalarǵa da qoljetimdi. Bul qarapaiym tutynýshylardyń tańdaý múmkindigin keńeitedi: kólikti birden tolyq satyp alý nemese klassikalyq avtonesie rásimdeýmen qatar, jańa avtomobildi ikemdi sharttarmen paidalanýǵa múmkindik beretin taǵy bir qarjylyq qural paida boldy. Onyń sharttary kepil men kepilgerge, sondai-aq banktik kredittiń qatań tólem kestesine bailanysty emes.
Avtokólikti merziminen buryn qaitarý tártibi
Lizingti jalǵastyrý tiimsiz bolǵan jaǵdaida, praktikalyq turǵydan tiimdi sheshim qabyldaǵysy keletin klientter úshin avtokólikti merziminen buryn qaitarý jáne kelisimshartty toqtatý rásimi qarastyrylǵan.
Buǵan ártúrli sebep bolýy múmkin: otbasynda jańa avtomobildiń paida bolýy, kóliktiń kólemine nemese túrine degen qajettiliktiń ózgerýi, avtomobildiń qazirgi ómir saltyna sáikes kelmeýi jáne taǵy basqa jaǵdailar.
Mundai jaǵdaida rásim mynadai kezeńderden turady:
Kelisimshartty merziminen buryn toqtatý týraly ótinish berý.
Merziminen buryn toqtatý sharttaryn esepteý.
Avtomobildi tekserý jáne baǵalaý.
Qaitarý aktisin rásimdeý.
Avtomobildi lizing berýshige tapsyrý.
Qorytyndy qarjylyq esep aiyrysýdy júrgizý.
Kelisimshartty jabý.
Eýropalyq brendtiń avtomobilderin jeke tulǵalar lizing arqyly bastapqy jarnasy 20 paiyzdan bastalatyn sharttarmen ala alady. Qarjylandyrý somasy 1 million teńgeden bastalady, al eń tómengi merzim – 37 ai.
Lizing baǵdarlamasy boiynsha avtomobildiń naqty qunyn dilerlik ortalyqtaǵy qarjy keńesshilerinen bilý qajet.
Lizingke ótinimdi Škoda dilerlik ortalyqtarynda Allur Finance arqyly nemese Nomad Leasing Solutions lizingtik kompaniiasynyń saitynda berýge bolady.
Škoda avtomobilderine arnalǵan ózge de qarjylyq usynystar
Resmi distribiýtor brendtiń barlyq modeldik qataryna qoldanystaǵy qarjylyq usynystar bar ekenin de eske salady.
«Adal eýropalyq» («Chestnyi Evropeets») baǵdarlamasy aiasynda mynadai usynystar qoljetimdi:
Škoda Kodiaq – 17 990 000 teńgeden bastap;
Škoda Octavia – sońǵy býyndaǵy Selection jáne SportLine jinaqtalymdary, 1.4 TSI qozǵaltqyshymen, 16 490 000 teńge;
Škoda Superb – flagmandyq liftbekke 3 000 000 teńge jeńildik qarastyrylǵan.
Sondai-aq 2.0 TSI qozǵaltqyshymen jabdyqtalǵan Škoda Octavia jáne qalaǵa arnalǵan yqsham Škoda Karoq krossoveri «Eýropadaǵydai paiyz» («Protsent kak v Evrope») baǵdarlamasy boiynsha tiimdi sharttarmen usynylady. Bastapqy jarna 40 paiyz bolǵan jaǵdaida, úsh jyl merzimge jyldyq 0,1 paiyzdyq mólsherleme qoldanylady.
Qazaqstan aýmaǵyndaǵy resmi dilerlerden satyp alynǵan barlyq avtomobilge júris qashyqtyǵyna shekteýsiz eki jyldyq kepildik beriledi. Úshinshi jylǵa arnalǵan kepildik 100 000 shaqyrym júriske deiin qoldanylady.
Jeke tulǵalarǵa arnalǵan lizingtiń paida bolýy Qazaqstan avtomobil naryǵynyń damýyndaǵy jańa kezeńge ainalýy múmkin. Satyp alýshylar úshin bul qarjylyq múmkindikterdiń keńeiýin jáne zamanaýi avtomobilderdi ikemdi sharttarmen paidalaný múmkindigin bildiredi. Al óndirýshiler úshin bul menshiktiń uzaq merzimdi quny men ónim sapasyna baǵyttalǵan usynystardy damytýǵa qosymsha yntalandyrý bolmaq.
