Бүгін, 23 тамызда Қазақстанда Құрылтай сайлауына дауыс беру басталды. Бұл туралы Қазақстан Республикасының Орталық сайлау комиссиясы хабарлады, деп жазады ult.kz.
ОСК мәліметінше, сағат 07:00-дегі жағдай бойынша өңірлерде 10 363 сайлау учаскесі жұмысын бастап, сайлаушыларды қабылдауға кіріскен.
Сонымен қатар, 16 шет мемлекетте орналасқан 19 сайлау учаскесінде де дауыс беру басталды. Аумақтық сайлау комиссияларының шешіміне сәйкес, 107 учаске таңғы сағат 06:00-де ашылған.
Сайлаушылар тізіміне жалпы 12 605 788 азамат енгізілген. Олардың 17 132-сі дауыс беру құқығын беретін есептен шығару куәлігін алған.
Қазақстан бойынша барлығы 10 423 сайлау учаскесі жұмыс істейді. Оның 79-ы 61 шет мемлекетте орналасқан.
ОСК мәліметінше, бір сағаттан кейін Қазақстанның Сыртқы істер министрлігі шетелдегі сайлау учаскелерінің ашылуы туралы ақпарат ұсынады.
Орталық сайлау комиссиясы сағат 10:00-ден бастап әр екі сағат сайын сайлаушылардың дауыс беру барысы туралы ақпарат жариялап отырады.
