Búgin, 23 tamyzda Qazaqstanda Quryltai sailaýyna daýys berý bastaldy. Bul týraly Qazaqstan Respýblikasynyń Ortalyq sailaý komissiiasy habarlady, dep jazady ult.kz.
OSK málimetinshe, saǵat 07:00-degi jaǵdai boiynsha óńirlerde 10 363 sailaý ýchaskesi jumysyn bastap, sailaýshylardy qabyldaýǵa kirisken.
Sonymen qatar, 16 shet memlekette ornalasqan 19 sailaý ýchaskesinde de daýys berý bastaldy. Aýmaqtyq sailaý komissiialarynyń sheshimine sáikes, 107 ýchaske tańǵy saǵat 06:00-de ashylǵan.
Sailaýshylar tizimine jalpy 12 605 788 azamat engizilgen. Olardyń 17 132-si daýys berý quqyǵyn beretin esepten shyǵarý kýáligin alǵan.
Qazaqstan boiynsha barlyǵy 10 423 sailaý ýchaskesi jumys isteidi. Onyń 79-y 61 shet memlekette ornalasqan.
OSK málimetinshe, bir saǵattan keiin Qazaqstannyń Syrtqy ister ministrligi sheteldegi sailaý ýchaskeleriniń ashylýy týraly aqparat usynady.
Ortalyq sailaý komissiiasy saǵat 10:00-den bastap ár eki saǵat saiyn sailaýshylardyń daýys berý barysy týraly aqparat jariialap otyrady.
