Өскеменде интернет арқылы «жұмысқа» орналасқан екі жас жігіт психотроптық заттардың заңсыз айналымына қатысы бар деген күдікпен ұсталды, деп хабарлайды ult.kz.
Полицияның мәліметінше, күдіктілердің бірі тыйым салынған заттарды алып, өлшеп, буып-түюмен айналысқан. Еңбекақысы криптовалюта түрінде төленген.
Тінту кезінде шамамен 800 грамм α-PVP және 334 грамм мефедрон тәркіленді. Күдіктілер қамауға алынды. Қылмыстық іс қозғалды.
