Қазақстанның автонарығында гибридті көліктер арасында сұранысқа ие модельдер айқындалды. 2026 жылдың алғашқы сегіз айының қорытындысы бойынша Geely Galaxy EX5 EM-i елдегі ең көп сатылған гибридті кроссовер атанды. Қазақстандық автобизнес қауымдастығының мәліметінше, аталған модель екінші ай қатарынан сатылым көрсеткіші бойынша көш бастап келеді, деп хабарлайды Ult.kz.
EX5 EM-i моделіне деген тұрақты сұраныс қазақстандық автокөлік жүргізушілерінің талғамындағы ауқымды өзгерісті көрсетеді: гибридтер «технологиялық таңсық дүние» болудан қалып, Қазақстан жағдайында күнделікті пайдалануға арналған ең тиімді таңдау санатына өтті.
Еске салайық, Geely Galaxy бренді 2025 жылы қазақстандық Allur автомобиль компаниясының портфеліне енді. Қостанайдағы зауытта EX5 EM-i моделінің шығарылуы отандық өнеркәсіп үшін тарихи оқиға болды. Бұл модель өндірісі ел аумағында тікелей жолға қойылған алғашқы жеңіл гибридті автомобиль атанды.
Қостанайда құрастырылатын кроссовердің басты артықшылығы – бензинді іштен жану қозғалтқышы мен тиімді электр архитектурасының өзара үйлесімді жұмысы. Жүріс қоры: жанармай багы толық және аккумулятор қуаты 100 пайыз болған кезде автомобильдің жалпы жүріс қоры 1 003 шақырымға жетеді. Бұл қалааралық жолдарда «жүріс қоры жетпей қалады» деген алаңдаушылықты толығымен жояды. Таза электрлі режим: автомобиль тек электр қуатымен 100 шақырымға дейін жүре алады. Бұл күнделікті қала ішіндегі қажеттіліктерді бір тамшы бензин жұмсамай өтеуге мүмкіндік береді. Жанармай тиімділігі: аралас циклдегі орташа шығын 100 шақырымға небәрі 2,4 литрді құрайды. Ал тұрақты түрде қуаттамай пайдаланған жағдайда бұл көрсеткіш 6–6,3 литр шамасында сақталады. Динамикасы мен зияткерлік мүмкіндіктері: қуаты 218 ат күшіне тең электр қозғалтқышы акселератор басылған сәтте жылдам әрекет етеді. Жүргізушіге көмектесетін электрондық жүйелердің толық жиынтығы мен цифрлық экожүйе жоғары деңгейдегі жайлылық пен қауіпсіздікті қамтамасыз етеді.
«Көшбасшылыққа қол жеткізу және оны сақтап қалу – модельді дұрыс таныта білудің тікелей нәтижесі. Біз жай ғана технологиялық өнім емес, оны сатып алудың барынша ашық шарттарын да ұсынамыз: тиімді Trade-in, бастапқы жарнасыз несиелеу бағдарламалары және арнайы бағалар. Қазіргі уақытта Geely Galaxy EX5 EM-i бағасы 12 099 000 теңгеден басталады», – деп түсіндірді компания өкілдері.
2026 жылдың сегіз айындағы нәтижелер Қазақстанда гибридті автомобильдерге деген сұраныстың күшейіп келе жатқанын дәлелдейді. Ал елде өндірілетін Geely Galaxy EX5 EM-i қазіргі уақытта гибридті кроссоверлер сегментіндегі басты әрі мойындалған үлгі саналады.
