Ақтөбеде газ құю бекетінде өртенген көлікте үш мәйіт табылды. Станция иесі қамауға алынды, деп хабарлайды ult.kz.
Облыстық полиция қылмыстық іс қозғады.
Полиция мәліметінше, оқиға салдарынан әйел және екі жасөспірім қаза болған.
Бір ер адам дене күйігімен ауруханаға жеткізілді.
Бұл факті «Жарылыс қаупі бар объектілерде қауіпсіздік қағидаларын бұзу» бойынша тіркелді.
Станция иесі ұсталып, уақытша ұстау изоляторына қамалды.
Тергеу барысы полиция департаменті басшылығының ерекше бақылауында.
