25 қазанда Маңғыстау және Атырау облыстарында ауа райына байланысты ескерту жасалды. Бұл туралы «Қазгидромет» РМК хабарлайды.
Маңғыстау облысының кей жерлерінде жел 15-20 м/сек жылдамдықпен соғуы ықтимал. Ақтауда жел екпіні 18 м/сек дейін жетеді.
Дауыл тұру ықтималдылығы - 90-95 пайыз.
Атырау облысының кейбір жерлерінде түнде және таңертең тұман түсіп, күндіз оңтүстік-шығыстан соғатын желдің жылдамдығы секундына 15-20 метрге жетеді. Күндіз оңтүстік-шығыстан соғатын желдің екпіні секундына 15-18 метрге дейін жетеді.
Дауыл тұру ықтималдылығы - 80-85 пайыз.
Осыған дейін алдағы тәуліктерде Қазақстанда күн жылынатыны хабарланған болатын.
