Астананың Сарайшық ауданында жеңіл көлік Есіл өзенінің арнасына түсіп кеткен. Оқиға салдарынан ешкім зардап шеккен жоқ, деп хабарлайды ult.kz.
Алдын ала мәлімет бойынша, көліктің электрондық жүйесіндегі ақау жол-көлік оқиғасына себеп болған. Салонда жүргізуші мен жолаушы болған. Екеуі де көліктен өздігінен шыққан.
Көлікті судан шығару үшін оқиға орнына Төтенше жағдайлар министрлігінің жедел-құтқару жасағының мамандары келген. Сүңгуірлер судағы жағдайды тексеріп, құтқарушылар автокөлікті кранның көмегімен өзеннен алып шыққан.
Көлік иесі құтқарушыларға жедел көмегі үшін алғыс білдірді.
