قىرعىزستاندا پارلامەنت سايلاۋىنىڭ نەتيجەسٸنە نارازىلار اق ٷي, پارلامەنت عيماراتىن باسىپ الىپ, ەلدە حالىقتىق ٷكٸمەت قۇرۋ قاجەتتٸگٸ جايلى مەلٸمدەمەلەر ايتىلا باستاعان شاقتا پرەزيدەنت سوورونباي جەەنبەكوۆ ۆيدەومەلٸمدەمە جاسادى.
جەەنبەكوۆ مەلٸمدەمەسٸندە ساياسي كٷشتەر بيلٸكتٸ زاڭسىز تارتىپ الۋعا ەرەكەت ەتٸپ, سايلاۋدى سىلتاۋراتىپ, قوعامدىق تەرتٸپتٸ بۇزدى دەپ نارازىلاردى ايىپتاعان.
"قالا تۇرعىندارىنىڭ تىنىشتىعىن بۇزدى. تەرتٸپ ساقشىلارىنا باعىنباي, دەرٸگەرلەردٸ ساباپ, عيماراتتاردى تالقاندادى. قان تٶگٸلمەسٸن, بٸر دە بٸر ازاماتتىڭ ٶمٸرٸنە قاۋٸپ تٶنبەسٸن دەپ كٷشتٸك قۇرىلىمدارعا وق اتپاۋعا بۇيرىق بەردٸم. قازٸرگە دەيٸن جاعدايدى ۋشىقتىرماۋ ٷشٸن مٷمكٸن بولعان ەرەكەتتٸڭ بارلىعىن جاسادىق. مەملەكەتتٸك تىنىشتىعى, قوعامنىڭ تۇراقتىلىعى دەپۋتات مانداتىنان بيٸك" دەدٸ جەەنبەكوۆ.
ول مەلٸمدەمەدە ساياسي پارتييالاردى ٷمٸتكەرلەرٸن نارازىلىق وشاقتارىنان الىپ كەتۋگە جەنە بارلىق كٷشتەردٸ زاڭ اياسىندا ەرەكەت ەتۋگە ٷندەگەن. جەەنبەكوۆ ورتالىق سايلاۋ كوميسسيياسىنا زاڭبۇزۋشىلىقتاردى زەرتتەپ, قاجەت بولسا سايلاۋ قورىتىندىسىن جوققا شىعارۋدى دا ۇسىنعان.
قىرعىزستاندا پارلامەنت سايلاۋىنىڭ الدىن الا قورىتىندىسىمەن كەلٸسپەگەن نارازى توپ 5 قازاندا كٷندٸز بٸشكەك ورتالىعىندا ميتينگ ٶتكٸزٸپ, جەەنبەكوۆتٸڭ بيلٸكتەن كەتۋٸن, قايتا سايلاۋ ٶتكٸزۋدٸ تالاپ ەتكەن ەدٸ. كەشكە قاراي پارلامەنت پەن پرەزيدەنت ەكٸمشٸلٸگٸ ماڭىندا نارازىلار مەن پوليتسييا قاقتىعىسىپ قالعان. نارازىلاردى تاراتۋعا تىرىسقان كٷشتٸك قۇرىلىم ٶكٸلدەرٸ كٶزدەن جاس اعىزاتىن گاز, رەزەڭكە وق, تٷتٸن قۇتىلار قولدانعان, سۋ شاشقان. ونداعان ادام جارالانعان. كەيٸنٸرەك نارازى توپ پارلامەنت عيماراتىن, اق ٷي, مەملەكەتتٸك ۇلتتىق قاۋٸپسٸزدٸك كوميتەتٸ مەن قوعامدىق كترك ارناسىن باسىپ العان.
نارازىلار تالابىنان سوڭ بۇرىنعى پرەزيدەنت المازبەك اتامباەۆ, ەكس-پرەمەر ساپار يساكوۆ, بۇرىنعى دەپۋتات سادىر جاپاروۆ, بۇرىنعى دەپۋتات راۆشان جەەنبەكوۆ قاماۋدان بوساتىلدى. سەيسەنبٸ كٷنٸ تاڭەرتەڭ اق ٷيدەن ٶرت شىققان.
